2022/05/26. Пүрэв гараг Дугаар: #2289

СЭТГЭЛИЙН ДАРХЛАА

Сэтгэл гутрал гуниглахаас ялгаатай

— Ч.Баяржаргал   2021 оны 12 сарын 14

Ойрд надад гашуудал тохиолдоогүй, хэвийн амьдралтай ч аав ээжийгээ, эхнэрээ, хүүхдээ үхчихвий гэсэн бодол толгойд орж ирээд, айдас төрнө, бодлоосоо бас залхаж байна. Энэ хэвийн зүйл үү?

Үхлийн тухай бодол байнга бодогдох нь хэвийн зүйл яав ч биш. Сэтгэл зүйн хямралуудын үед ийм бодлууд орж ирэх нь бий. Үл ялих зовлонт бодол, сэтгэл түгших эмгэг, үхлийн айдас мэтийн эмгэгүүдийн үед ийм бодлууд орж ирдэг. Сэтгэл засалч, сэтгэцийн эмчид очиж заавал эмчлүүлэх шаардлагатайг анхаарна уу. Аль болох хурдан эмчилгээнд хамрагдах тусам илүү үр дүнтэй байдаг. Шаардлагатай тохиолдолд эмийн эмчилгээ хийнэ. Эмчийн зааврын дагуу, хяналтан доор эмийн эмчилгээ хийдэг учраас эмнээс айх хэрэггүй. Мэргэжлийн бус “зөвлөхүүд” болон нарийн мэргэжлийн бус зарим эмчийн үгэнд итгэх хэрэггүй гэдгийг анхаарна уу.

Хоёроос доошгүй долоо хоногийн турш сэтгэл хямарч, хийж байгаа үйлдлүүдээсээ таашаал авахаа болих нь сэтгэл гутралын гол шинж тэмдэг. 

Түүнчлэн:

  • Өөрийгөө буруутгаж, дутуу үнэлнэ. Сэтгэн бодох, анхаарлаа төвлөрүүлэх шийдвэр гаргахад хэцүү болно. Хоолны дуршил эсвэл жин, нойрны хэмнэл өөрчлөгдөж, хөдөлгөөний идэвх бууран, эрч хүчгүй болно.
  • Үхлийн тухай буюу амиа хорлох тухай бодлууд орж ирэн энэ тухай төлөвлөгөө боловсруулж, төлөвлөгөөгөө гүйцэлдүүлэх оролдлогууд хийдэг. 
  • Хүмүүс сэтгэл гутралыг ичгэвтэр зүйл эсвэл сул доройгийн шинж гэж хүлээн авдаг. Сэтгэл засалч эмч үйлчлүүлэгч болон ар гэрийхэнд нь сэтгэл гутралын талаар мэдлэг эзэмшүүлснээр энэ төөрөгдлийг арилгаж чадна.
  • Сэтгэл гутрал нь маш хүчтэй зовиурын суурь болж өгдөг учраас хавдрын эмч нар сэтгэл гутралын шинж тэмдгүүдийг илрүүлэн дүгнэхдээ нухацтай хандахыг хүсдэг. Хүнд өвчтэй эсвэл амьдралын төгсгөлийн шатанд байгаа хүний хувьд байнгын сэтгэл гутрал нь хэвийн үзэгдэл биш.
  • Хүчин мөхөстөх, итгэл найдваргүй болох, сэтгэл гутрах эсвэл зовж байна гэсэн мэдрэмжүүд нь амь насанд аюултай өвчний зайлшгүй үр дагавар болдог гэсэн бодол нь төөрөгдөл юм.
  • Бага буюу шилжилтийн насны хүүхдүүдийн хувьд  гутрахаасаа илүү уцаартай болно.

Та сэтгэлээр унасан уу? Эсвэл сэтгэл гутралд өрсөн үү? Сэтгэл гутралын талаар дэлгэрэнгүй ярилцлагыг доорх линкээр үзнэ үү. 


Хуваалцах



Тод тусгал

Холбоотой

Хүүхдийн хумсаа мэрэх зуршлын сэтгэл зүйн шалтгаанууд

Аав ээжүүд хүүхдийн сэтгэл зүйчид хандаж ирдэг олон асуултуудын нэг нь “Хүүхэд минь хумсаа мэрээд байна яаж болиулах вэ?” гэдэг. Хүүхэд ялангуяа бага насны хүүхэд өөрийгөө хянах чадвар хангалттай хөгжөөгүй байдаг. Дэлгэрэнгүй

— Ч.Баяржаргал   2 цагийн өмнө

Нүдээ аниад 10 минутын дотор унтаж чадаж байвал ХЭВИЙН НОЙРТОЙ гэж үздэг

Дэлхийн нийт хүн амын 17 хувь нь нойрны асуудалтай байсан. Харин цар тахал, хөл хорио зэрэг нөхцөл байдлын улмаас сүүлийн 2-3 жилийн хугацаанд нойрны асуудалтай хүмүүсийн хувь 38 болж өссөн. Дэлгэрэнгүй

— Ч.Баяржаргал   2022 оны 05 сарын 24

Санал болгох

Минжийн хангайд 1 км өргөн, 700 м урт талбайг хамарсан түймэр гарчээ

Улсын хэмжээнд он гарсаар ой, хээрийн гал түймрийн 70 тохиолдол бүртгэгдээд байна. Харин өнөөдөр буюу 05 дугаар сарын 26-ны өдрийн байдлаар Төв аймгийн Мөнгөнморьт суманд ойн түймрийн нэг дуудлагатай байна.Тодруулбал, Төв аймгийн Мөнгөнморьт... Дэлгэрэнгүй

— Б.Батцэцэг   5 цагийн өмнө

Хүүхдүүдийн 82 хувь нь үе тэнгийнхний дээрэлхэлт, хүчирхийлэлд өртөж байсан гэж хариулжээ

Улаанбаатар хотын бүх дүүрэг, найман аймагт амьдарч байгаа 12-18 насны нийт 4264 хүүхдийг судалгаанд хамруулахад 82.8 хувь нь үе тэнгийнхний дээрэлхэлт, хүчирхийлэлд өртөж байсан гэж хариулжээ. Өөрөөр хэлбэл, 10 хүүхэд тутмын 8 нь ямар нэгэн... Дэлгэрэнгүй

— Ч.Баяржаргал   9 цагийн өмнө