Суррон (бартаат замын цахилгаан дугуй)-ыг мотоциклийн ангилалд хамааруулж, унах насны доод хязгаарыг 18 нас байхаар тогтоосон. Иймд замын хөдөлгөөнд оролцох жолооч дараах шаардлагыг хангасан байх ёстойг Замын хөдөлгөөний удирдлагын төвөөс мэдээлэв. Үүнд:

• 18 нас хүрсэн байх
• А ангиллын жолооны үнэмлэхтэй байх
• Улсын бүртгэлийн дугаартай байх
• Хоёр талын тольтой байх
• Хамгаалалтын хувцас, хэрэгслийг бүрэн өмссөн байх. 

Дээрх шаардлагыг хангаагүй тохиолдолд Зөрчлийн тухай хуулийн дагуу 400,000 төгрөгийн торгууль ногдуулна.

Гэмт хэрэг, зөрчлөөс урьдчилан сэргийлэх, замын хөдөлгөөний аюулгүй байдлыг хангах чиглэлээр хяналт шалгалтыг эрчимжүүлэн ажиллаж байна.

Тодруулбал, 18 нас хүрээгүй хүүхдүүд суррон унаж хөдөлгөөнд оролцож буй зөрчлийг илрүүлж, таслан зогсоох, мөн 18 насанд хүрсэн иргэдийг холбогдох дүрэм, журмыг мөрдүүлэхэд анхаарч ажиллаж байна. 

Замын хөдөлгөөний удирдлагын төвөөс хяналтын камерын тусламжтайгаар тогтмол хяналт тавьж, илэрсэн зөрчилд шуурхай арга хэмжээ авч байна.