Өнгөрсөн оны төсвийн гүйцэтгэлийн талаар Сангийн дэд сайд С.Мөнгөнчимэг дараах мэдээллийг өгөв.
Төсвийн алдагдал 2,4 их наяд байх байснаас 979,3 тэрбум болж буурлаа. Эдийн засгийн өсөлт 4 хувьд хүрсэн байна. Нийт 9 тэрбумын экспорт хийнэ гэж зорьж байсан бол урд өмнө нь хүрч байгаагүй 12,5 тэрбум долларын экспортыг хийжээ.
Биет хэмжээгээр экспортлосон түүхий эдүүдийн хувьд нүүрс 18 сая тонн гэж байсан нь 31,7 сая тонн болж, зэс тооцоолсоноос 242 мянган тонн илүү экспортлогдсон байна.
Түүнчлэн Монгол улсын Сангийн яам 2022 оны УИХ-ын намрын чуулганаар хууль болон бусад шийдвэрийн 39 төсөл хэлэлцүүлсэн байна. Үүнээс 9 бие даасан хууль хэлэлцүүлж, 8 хууль батлуулсан байна. 2023 оны төсвийн тухайн хуулийг дагалдуулж 17 хуульд нэмэлт өөрчлөлт оруужээ.