Байгаль орчин, аялал жуулчлалын яамнаас “Алсын хараа-2050” Монгол Улсын хугацааны хөгжлийн бодлогын 6.1.14, Засгийн газрын 2020-2024 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний 5.1.12.3 дахь арга хэмжээний дагуу байгаль орчин, нийгэмд ээлтэй үйл ажиллагааг дэмжих, агаар, орчны бохирдлыг бууруулахад чиглэсэн "Ногоон зээл"-ийг Төрийн банк, Хаан банк, Хас банктай хамтран олгож эхэлсэн талаар мэдээлэв. 

Иргэдэд зориулсан ногоон зээлийг 11 төрлийн бүтээгдэхүүнд 3 хүүтэй олгох бол аж ахуйн нэгжид 14 төрлийн бүтээгдэхүүн авахад 8 хувийн хүүтэй зээл олгох юм. 

Тухайлбал, дулаалгын материал, бага оврын цэвэрлэх байгууламж, гэрийн сайжруулсан зуух, нүхэн жорлонгоо сайжруулах, ногоон барилга барих зэрэг агаар орчны бохирдлыг бууруулах нөлөөтэй үйл ажиллагаа, тохижилт хийхэд уг зээлийг олгоно. 

Зээлийн талаарх дэлгэрэнгүй мэдээллийг Төрийн банк, Хаан банк, Хас банкны хаяг, утсаар лавлана уу.