2023/02/05. Ням гараг Дугаар: #2544

СЭТГЭЛИЙН ДАРХЛАА

5-19 насны 2 хүүхэд тутмын нэг нь гар утас, компьютер, дэлгэцийн тоглоом тогтмол тоглож байна

— Ч.Баяржаргал   2022 оны 09 сарын 21

2020-2021 оны (ОҮБТС+)-аас 5-19 настай хүүхдүүдийн 49.8 хувь буюу 2 хүүхэд тутмын 1 нь гар утас, компьютер болон дэлгэцийн тоглоом тогтмол тоглодог гэсэн үр дүн гарчээ.

Дэлгэцийн тоглоом тогтмол тоглодог хүүхдүүдийг насны бүлгээр ангилж харвал, 

  • 5-9 настай хоёр хүүхэд тутмын нэг нь (50 хувь), 
  • 10-14 настай хүүхдийн 54.4 хувь нь, 
  • 15-19 насны бүлэг 40.3 хувь нь тоглож байна.

Тоглож буй тоглоомын төрөлд буудлагынх 39.5 хувь, эвлүүлдэг 20.5 хувь, стратегийнх 17.5 хувь, хөдөлгөөнт 14.5, уралдааных 14.4 хувь байна.

БНСУ видео тоглоомын донтолтыг нийгмийн эрүүл мэндийн хямрал гэж зарласан бөгөөд 600 мянга гаруй хүүхэд үүнтэй тэмцэж байна. Тус улсын өсвөр насныхны 8.4 хувь нь тоглоомд донтсон байна гэжээ.

Дэлгэцийн тоглоом тогтмол тоглодог хүүхдүүдийн гэртээ гаргаж буй зан төлөвийг авч үзэхэд,

  • 6.2 хувь нь мэдэгдэхүйц өөрчлөлт орсон
  • 30 хувь нь зарим талаар өөрчлөлт орсон гэж хариулжээ.

Сурлагийн ажилтад хэрхэн нөлөөлж байгааг нь харвал, 34.6 хувьд нь зарим талаар нөлөөлж  байна гэсэн бол 15.1 хувьд нь мэдэгдэхүйц муугаар нөлөөлж байгаа гэжээ.

Дэлгэцээс хамааралтай болсон хүүхдүүдэд ямар бодит аюул тулгардаг вэ?

Хамгийн наад зах нь нойрондоо муу болно. Ингэснээр дархлаа суларч амархан ядардаг, халдварт болон халдварт бус өвчлөлд өртөмтгий болдог. Цаашлаад мэдрэлийн ядаргаанд орж цочмог, зожиг зан төрхийн эмгэгтэй болох эрсдэлтэй. Ингээд зогсохгүй хичээл сурлагадаа муудаж, зорилгогүйдэн зөвхөн дэлгэцээ хүсэмжлэн “донтолт” хэмээх өвчтэй болдог аж.

Сэтгэцийн эрүүл мэндийн төвд дэлгэцийн донтолт гэх оноштойгоор хэвтэн эмчлүүлсэн 8-19 насны 200-аад хүүхдийн шинж тэмдгийг харахад:

  • Нүд ойр ойрхон анивчих
  • Нойргүйдэх
  • Шалтгаангүй толгой өвдөх
  • Уур бухимдалтай болох
  • Хичээлээ шалтгаангүй таслах
  • Аливаа зүйлд сонирхолгүй болох
  • Зүүдэндээ тоглоомныхоо тухай ярих гэх мэтчилэн шинж тэмдгүүд илэрсэн байдаг.

Нэгэнт энэ эмгэг илэрсэн бол мэргэжлийн хүнээс яаралтай тусламж авах хэрэгтэй. Эмгэг хөнгөн байх үед эцэг эхчүүдээс хамааралтайгаар эдгээх боломжой. Хүүхдүүддээ цаг зав гаргаж, амралтын өдрүүдээр салхинд гардаг ч юмуу дэлгэцээс нь хөндийрүүлэх хэрэгтэй. Манайхан өвчний шинж тэмдэг илэрч байгаа хүүхдээ анзаарахгүй эвгүй харилцаж харилцааны алдаа их гаргадаг. Энэ үед хүүхэд улам эсэргүүцэх, өөрийгөө тийм биш гэж зөрүүдлэх, багш эцэг эхийн үгнээс гажих тохиолдол байдаг. Тийм болохоор аль болох дэлгэцнээс нь хөндийрүүлэх арга хэмжээ л авах хэрэгтэй. Мөн мэргэжлийн эмнэлгийн байгууллагад хандаснаар эрт эмчлэх боломжтой.

ҮСХ,СЭМҮТ

Хуваалцах



Тод тусгал

Бригадын генерал Г.Болор: Улс үндэстэн нэг зорилго, нэгдсэн ойлголттой, нэгдмэл цул байж чадвал хөгждөг

Монгол улсын анхны эмэгтэй бригадын генерал Г. Болор "Тод тусгал" ярилцлагын урилгыг хүлээн авав. Нэр төр, хөдөлмөр зүтгэлийн хүндэт эзэнтэй хувь хүний зорилго, улс орны энх тайван, батлан хамгаалах үүрэг хийгээд шаардлагын талаар ярилцлаа. Дэлхийд данстай монгол эмэгтэйн ур ухаан, эрдэм чадвар, холч харааг нэг ярилцлага бүрэн илэрхийлэхгүй ч "эх оронч" байх явдал нь чухам юу вэ гэдгийг товчхон танд ойлгуулах буй заа. Түүний боловсролын түүхийг энд бичих нь хэт уртдах ба Бригадын генерал хэргэм олгож монгол төр түүнийг батламжилсан билээ ...

— Б.Батцэцэг   2022 оны 11 сарын 15

Холбоотой

Сэтгэл гутрал нь хөдөлмөрийн чадвар алдалтад хүргэдэг гол шалтгаан болсоор байна

2020 онд COVID-19 цар тахал тархсанаас хойш эрүүл мэнд, нийгэмд үзүүлэх хор уршиг өнөөдрийг хүртэл дэлхий даяар үргэлжилж, тэр дундаа сэтгэцийн эрүүл мэндийн тулгамдсан асуудлууд улам бүр нэмэгдсээр байгаа юм.Сүүлийн үеийн судалгаанаас үзэхэд хүн... Дэлгэрэнгүй

— Ч.Баяржаргал   2023 оны 01 сарын 27

Дотны хэн нэгнээс харилцаагаа таслах нь "сэтгэл түгших эмгэг"-ийн нэг шалтгаан болдог

Сэтгэл түгших энгийн хариу урвал ба Сэтгэл түгших эмгэгийн ялгаа, түүнийг таньж мэдэх нь. Сэтгэл түгших хариу урвал гэж юу вэ?”Anxiety” гэдэг үг нь айдас хүрмээр юм уу, амь насанд заналхийлсэн нөхцөл байдалд бие махбодын болон... Дэлгэрэнгүй

— Ч.Баяржаргал   2023 оны 01 сарын 18

Санал болгох

Манай улсын оюуны өмчийн патенттай бүтээлийг БНХАУ-д хууль бусаар ашиглах тохиолдол гарч байна

Монгол Улсаас БНХАУ-д суугаа Элчин сайдын яамнаас оюуны өмчтэй холбоотой гэмт хэргийн талаар сэрэмжлүүлэв.Сүүлийн жилүүдэд БНХАУ-д оюуны өмчтэй холбоотой гэмт хэргийн тоо тогтмол өсч байгаа бөгөөд 2022 оны жилийн эцсийн байдлаар тус улсын Ардын... Дэлгэрэнгүй

— Ч.Баяржаргал   өчигдөр

Улсын хэмжээнд 85 удаагийн цаг агаарын гаралтай аюулт, гамшигт үзэгдэл болжээ

2022 онд улсын хэмжээнд 85 удаагийн цаг агаарын гаралтай аюулт болон гамшигт үзэгдэл болсон байна. Үүнээс аюултай үзэгдэл 64, гамшигт үзэгдэл 9 удаа болж, 4 хүн амь насаа алджээ. Мөн гамшигт үзэгдлийн улмаас 7402 толгой мал хорогдож, 2 удаа... Дэлгэрэнгүй

— Ч.Баяржаргал   2023 оны 02 сарын 03