ЭМЯ-аас цар тахлын нөхцөл байдлын талаар мэдээлэл хийлээ. /2021.06.10/
Улсын хэмжээнд сүүлийн 24 цагт 9434 хүнд хийсэн PCR шинжилгээгээр 1460 хүнээс коронавирусийн халдвар илэрчээ. Эдгээрийн 955 нь нийслэлд, 505 нь хөдөө орон нутагт бүртгэгдсэн байна.
Ингэснээр манай улсад нийт халдварын тохиолдлын тоо 70482 болов. Сүүлийн өдөр 412 хүн эмнэлгээс эдгэрч гарснаар нийт 55569 хүн эдгэрээд байна. Одоогийн байдлаар эмнэлэгт 7292 хүн хэвтэн эмчлүүлж байгаагаас 132 хүний биеийн байдал маш хүнд байна. Хөнгөн хэлбэрийн оноштой 7264 хүн гэрээр тусгаарлагдан эмчилгээ хийлгэж байгаа аж. Өөрөөр хэлбэл 14.556 хүн эмчлүүлж байна.
Түүнчлэн коронавируст халдварын нэн хүнд хэлбэрээр 54-81 насны 10 хүн өчигдөр нас баржээ. Ингэснээр нийт 334 хүн эндээд байна.
Хөдөө орон нутагт халдварын тохиолдол өндөр гарч байгаа учир халдвар хамгааллын дэглэм баримтлах, хүн олноор цугларсан газар очихгүй, айлд зочлохгүй, гэртээ зочин урихгүй, хүн хоорондын зай барихыг ЭМЯ-наас давтан сануулав.
БИЧЛЭГ ҮЗЭХ: