Голландын дизайнер Даана Русегард агаар цэвэршүүлдэг унадаг дугуй бүтээжээ.
Агаарын бохирдлын хэмжээгээрээ муугийн жишээ болсон Бээжингийн 20 сая хүн хөдөлгөөний үед агаар цэвэршүүлдэг энэхүү эко дугуйг тун удахгүй ашиглах боломжтой болох юм. Агаарын бохирдолтой тэмцэх, хойч үедээ эрүүл орчин бүрдүүлж өгөх үүднээс эко-дизайнер Даана Русегаард Хятадын унадаг дугуй үйлдвэрлэгч компанитай хамтран ажиллах гэрээ байгуулсан нь энэ. Ингээд Хятадын салбартаа тэргүүлэгч ТEZIGN компани агаар цэвэршүүлэгч системтэй унадаг дугуйг сая сая хэрэглэгчиддээ хүртээмжтэй үйлдвэрлэхээр болжээ.
Русегаард хэлэхдээ “Бээжин бол эртний дугуйчдын хот байсан, бид энэхүү соёлын уламжлалыг сэргээх, улмаар дэлхийн бусад хотуудад агаарын бохирдлоос сэргийлэх жишиг болгох зорилготой” гэжээ.
Русегаардын өмнөх төслүүдийн нэг нь Роттердам дахь Smog Free Tower юм. Энэ цамхаг нь аварга том тоос сорогчийн зарчмаар ажилладаг. Бохирдсон агаарыг цамхагийн дээр сорж аваад цэвэрлэгдсэн агаарыг цамхагийн дөрвөн талд байрлах тусгай сувгаар гаргадаг байна. Эко бүтээн байгуулалтын салбарт инновацийн түүчээ болсон дизайнер бүсгүй уг төслөө Бээжинд мөн хэрэгжүүлсэн юм.