АНУ-д 2019 оны байдлаар насанд хүрэгчдийн 5 хүн тутмын 1 нь сэтгэцийн эмгэгтэй (51.5 сая хүн), 20 хүн тутмын 1 нь ямар нэгэн сэтгэл зүйн ноцтой гэмтэлтэй (13.1 сая хүн), ажилтнуудын 40% нь сэтгэл зүйн асуудлаас болж чөлөө авдаг судалгааны үр дүн гарсан байдаг. Харин манай улсад уул уурхай, барилга, зам тээвэр, хөнгөн үйлдвэрийн салбарын эрчимтэй хөгжилтэй зэрэгцэн ажлын байрны эрсдэлд сөрөг хүчин зүйлүүд нэмэгдсээр байна.
Хэдийгээр ажлын байрны аюулгүй ажиллагаа, эрүүл ахуйн сөрөг хүчин зүйлийг бууруулахад чиглэсэн хууль эрх зүйн бодлого зохицуулалт, стандарт, дүрэм журмыг мөрдөж хэрэгжүүлж байгаа ч ажилтнуудын сэтгэл зүйн асуудлуудыг орхигдуулснаар үйлдвэрийн осол, мэргэжлээс шалтгаалах өвчний тоо тогтвортой буурахгүй байна.
Ажилтнуудын сэтгэл зүйн эрүүл мэндийг хангахгүйгээр хөдөлмөрийн аюулгүй байдал, эрүүл ахуйг хангах нь суурь муутай байшин барихтай адил юм.
Ажлын байрны сэтгэл зүйн сөрөг хүчин зүйлс ажилчны сэтгэцийн эрүүл мэндэд нөлөөлөх эрсдэлүүд:
- Зохион байгуулалт - ажлын байр өөрчлөгдөх, дотоод зөрчлүүд, харилцааны үйл ойлголцол,
- Албан тушаалын хөгжил, дэвшил - боломж дэмжлэгээр хангахгүй байх, үүрэг хариуцлагыг бууруулах,
- Үүрэг хариуцлага - үүрэг тодорхойгүй байх, ажлын гүйцэтгэл муу байх,
- Ажлын ачаалал - ажил хуувирлалт тэнцвэргүй байх, эрх мэдлийн шийдвэр гаргалтыг бууруулах,
- Ажлын орчин
Дараах асуултуудыг таниас асууя.
Танай байгууллага ажилтныхаа сэтгэл зүйг анхаарч байна уу?
Ажилтан та ажлын байрандаа хэр сэтгэл ханамжтай байна вэ?
Ажлын байрны сэтгэл зүйн эрсдэлийг бууруулах арга хэмжээний талаар WorldPlus апп дээр үнэ төлбөргүй байрших Colorful Mind сэтгэцийн эрүүл мэндийн сэтгүүлээс унших боломжтой.
Мөн Ажлын байрны сэтгэл судлал, ажлын байрны сэтгэл ханамж, харилцааны ёс зүйн талаар дэлгэрэнгүй ярилцлагыг ЭНД дарж уншаарай.