Бүх цагийн шилдэг 100 номын нэг "Idea Book"-ийн (Cэтгэх урлаг) зохиогч, Шведийн топ 10 илтгэгчийн нэг Фредрик Харен номынхоо монгол орчуулгын нээлтэд оролцохоор манай улсад зочлон ирээд байгаа юм. Тэрбээр Idea Book-аас гадна найман ном бичиж бизнесийн салбарын хүмүүсийг илүү бүтээлч байхад, өөрөөр сэтгэхэд уриалан дууддаг юм.

Товч хэрнээ тун тодорхой санаа сэдлүүдийг өгдгөөрөө дэлхий нийтэд танигдсан Idea Book-ийг монголын оюунлаг уншигчдад хүргэх,  зохиогчтой нь уулзуулах том зорилго тээн орчуулагч Б.Хулан ажил хэрэг болгожээ.

Фредрик Харен өнгөрсөн хугацаанд дэлхийн 60 оронд 2000 гаруй удаа илтгэл тавьсан байна. Unread.today, SMS-Start up Marketing Space хамтран  Фредрик Харены ажлын арга барил, илтгэл, номуудынх нь агуулгын талаар сонирхолтой яриа өрнүүлсэн уулзалт зохион байгууллаа.