Зүүн бүсэд түймэр унтраахаар ажиллаж байгаа Дорнод аймгийн Хөлөнбуйр, Баян-Уул, Сэргэлэн, Цагаан-Овоо, Хэнтий аймгийн Баян-Овоо сумдын байгаль хамгаалагчдаас нөхцөл байдлын талаар дараах мэдээллийг ирүүлжээ.
Түймрийг цаг алдахгүй унтрааж байгаа боловч, хуурайшилт их учраас дахин дахин гарч байна. Мал маш их хорогдож сэг зэмтэй холбоотой хог хаягдлын асуудал хүндэрч байгаа аж.
Монголын байгаль хамгаалагчдын холбооноос байгаль хамгаалагч нарын гал унтраах багаж, хувийн хамгаалах хэрэгсэл муу байгааг шүүмжлэв. Мөн байгаль хамгаалагчдын хээрийн нэмэгдлийг хууль, журмын дагуу олгох талаар байрь сууриа илэрхийллээ.
