2017/12/18. Даваа гараг Дугаар: #669

ОНЦЛОХ

"Чингисийн хүүхдүүд"-ийн хөгжим дэлхийн сонгодогуудтай хамт эгшиглэнэ

— Д.Урангоо   2017 оны 09 сарын 29

Кино урлагийн түүхэн дэх эхэн үеийн кинонууд бүгд дуугүй бүтээгдэж байсан учир тэр үед киног хүлээж авах, ойлгох үзэгчдийн  хандлага дутуу дулимаг байсан гэдэг. Иймээс уран бүтээлчид киног хэрхэн сонирхолтой болгож хүмүүсийн анхаарлыг татах тухай маш олон оролдлогуудыг хийж үзсэний эцэст кино урлагт хөгжим ашиглах болсноор үзэгчид киног илүү ойлгох болж, үзэлт ч огцом нэмэгдсэн түүхтэй.
Киноны ая хүний ой санамжинд хэрхэн нөлөөлж буй тухай сэтгэлзүйн үзэгдлийг судлахад ямар ч кино үзсэн бай үйл явдлаас нь үл хамааран тухайн киноны ая хамгийн түрүүнд хоногшиж үлддэг аж.

Кино урлагийг “амь оруулдаг” ая эгшгийн цоморлигийг сонордуулах нэгэн ховор тоглолтын мэдээллийг уншигч танд хүргэж байна. Ирэх сарын 10-нд Монгол Улс дахь албан ёсны нээлтээ хийх гэж буй “Чингисийн хүүхдүүд” уран сайхны киноны хөгжмийн концертыг Монгол Улсын Филармонийн үүсэн байгуулагдсаны 45 жил, Морин хуурын чуулгын 25 жилийн ойд зориулан тоглох гэж байна.

Монголын хөдөөгийн амьдралын бодит ахуй, хурдан морь унаач гурван хүүгийн тухай өгүүлсэн, уянгын сэдэвтэй “Чингисийн хүүхдүүд” уран сайхны киног Монгол фильм групп, Монгол фильм хөгжлийн сан хөмрөг, Монгол фильм группын Лос-Анжелес салбарын уран бүтээлчид оролцон бүтээжээ. 

АНУ-д гарах албан ёсны эрхээ авч чадсан тус киноны хөгжмийн зохиолч Ш.Өлзийбаярийн арван зохиолоос бүтсэн хөгжмийн цомнолыг  уг кинонд Морин хуурын чуулга дангаараа тоглосон бол энэ удаад Улсын Филармонийн Симфони найрал хөгжимтэй хамтарч, удирдаач Д.Нямдаш, Д.Түвшинсайхан, Б.Батбаатар, Б.Анар нарын удирдлагаар толилуулах юм.

Дэлхийн шилдэг киноны хөгжмүүдийг “Чингисийн хүүхдүүд” киноны хөгжимтэй хамтатган сонордуулах концерт хоёр хэсгээс бүрдэнэ. Эхний хэсэг нь та бидний сэтгэлд хоногшсон шилдэг кинонууд болох The good the bad and the ugly, Pearl Harbor, Terminal, Malena, Playing love, Алтан өргөө, Pirates of the Caribbean, Аравт гэх зэрэг киноны хөгжмөөс толилуулах бол хоёрдугаар хэсэгт “Чингисийн хүүхдүүд” киноны хөгжим дангаараа тоглогдоно.

Хөгжмөөр дамжин үзэгчдэд хүрэх 200 гаруй уран бүтээлчийн сэтгэлийн хөг эгшиг, гэрэл гэгээт аялгуу 10-р сарын 05-нд 19:00 цагт “The Corporate Hotel and Convention Centre”-ийн концертын танхимд эгшиглэнэ.

Хуваалцах



ТУСГАЙ ЗОЧИН

Судлаач Т.Чимэдцэрэн: Америк хүн тэрбум 200 саяар үнэлэгдэж байхад монгол хүн 10 дахин бага үнэлгээтэй

ХААИС-ийн ЭЗБС-ийн Менежментийн тэнхимийн багш, докторант Т.Чимэдцэрэн урд өмнө нь манайд дорвитой яригдаж байгаагүй монгол хүний үнэлэмжийн чиглэлээр цоо шинэ судалгаа хийжээ. Иргэнээ үнэлдэг, хүн төвтэй бодлого барьдаг хөгжингүй орнуудын жишгээс бид юуг суралцах шаардлагатай, манайд ямар асуудал тулгараад байгаа талаар түүний ярилцлага олон шинэ мэдээллийг өгөх болно.

— П.Хангал   2017 оны 12 сарын 12

Холбоотой

Академич Ц.Дамдинсүрэнгийн эрдэм шинжилгээний бүтээлээр 9 боть ном хэвлэжээ

Төрийн гурван удаагийн шагналт, Ардын уран зохиолч, Академич Ц.Дамдинсүрэнгийн эрдэм шинжилгээний бүтээлийн чуулган есөн боть номын нээлт өнөөдөр БСШУСЯ-нд боллоо. "Монгол судлалын шилдэг өв" цуврал болон хэвлэгдсэн тус бүтээлийг... Дэлгэрэнгүй

— П.Хангал   2017 оны 11 сарын 14

“Аз жаргалтай Улаанбаатар” хөшөө 27.4 сая төгрөгөөр бүтжээ

Улаанбаатар хотын Захирагчийн ажлын албанаас Сөүлийн гудамжинд “Аз жаргалтай Улаанбаатар” чимэглэлийн баримлыг өнгөрсөн 28-ны өдөр байршуулсан. Дэлгэрэнгүй

— П.Хангал   2017 оны 11 сарын 01

Санал болгох

“Монголын нууц товчоо” 30 гаруй хэлээр орчуулагдан хэвлэгдээд байна

 “Дэлхийд  түгсэн Монголын нууц товчоон” бүтээл нь монгол түмний оюуны соёлын нандин сурвалж дэлхий дахинд хэрхэн түгсэнийг баримтаар харуулаад зогсохгүй “Монголын нууц товчоон”-ны судалгааг шинэ шатанд гаргах... Дэлгэрэнгүй

— Д.Урангоо   2017 оны 12 сарын 12

Жил бүр 6 сая хүн тамхинаас болж амиа алддаг

Өнөөдөр дэлхий дахинаа хэрэглэж байгаа хүмүүсийнхээ тал хувийг үхэлд хүргэдэг. Одоогийн байдлаар дэлхий дээр нэг тэрбум гаруй хүн тамхи татаж байгаа бөгөөд жил болгон 6 сая гаруй хүнийг үхэлд хүргэж байна. Дэлгэрэнгүй

— Ж.Гантулга   2017 оны 11 сарын 24


Тусгалын Технологи болон дизайны түнш: Batu Digital