Хүний гавьяат эмч Д.Баяраа томуу, томуу төст өвчнөөс хэрхэн урьдчилан сэргийлэх, ямар арга хэмжээ авах талаар дараах зөвлөгөөг өглөө.

Ханиад гэдэг гаднын вирусууд хүний биед нэвтэрч ороод, бие махбод түүний эсрэг урвал үзүүлж байгааг хэлээд байгаа юм. Вирус хэзээ биед нэвтэрч байна гэвэл, биеийн температур огцом өөрчлөгдөхөд буюу бие арзайж жихүүцэх үед организмд байгаа муу бактериуд сэргэж ханиад үүсдэг.

Улирлын  гаралтай томуу төст ба томуу гэж хоёр ялгаатай өвчин бий. Томуу нь хүнд хэлбэрээр явагддаг бол томуу төст өвчин нь хөнгөн явцтай, эдгэрэл хурдан.

Урьдчилан сэргийлэх дараах энгийн аргуудыг хэрэглээрэй. Үүнд: 

• Хувцсаа тохируулан өмсөх. Даарах төдийд л вирус биед нэвтрэх нөхцөл бүрддэг учраас даарч болохгүй.
• Биеийн эсийн нөхөн төлжилт унтаж байх үед явагддаг учраас маш сайн унтаж амрах хэрэгтэй
• Ус сайн уух хэрэгтэй
• Гэр бүлийнхэн нэгнээ анхаарч халамжлах
• Эрүүл, зөв хоол хүнс хэрэглэх. Эрдэс бодисын тэнцвэртэй байдлыг хангасан хоол хүнс хэрэглэх нь чухал.

Эцэг эхчүүдэд анхааруулж хэлэхэд, хүүхдийг халуурч эхлэнгүүт яаран бүү антибиотик өгөөрэй. Хүний биеийн ашигтай бактерийг устгаж, муу бактерийг антибиотикт тэсвэртэй болгож хувиргадаг сөрөг нөлөөтэй. Тиймээс аль болох антибиотикоос татгалзаж, эхний 3-4 хоногт өгөхгүй байснаар, халууралт аяндаа буурч, дархлалын систем өөрөө ажилладаг.

Мөн вирусын халдвар олон янз. Тэр хэмжээгээр эмийн сонголт олон янз учраас заавал мэргэжлийн эмчид үзүүлж тохирсон эмээ уух нь чухал. Дур мэдэн эм уухгүй байхыг анхааруулж байна.

БИЧЛЭГ: