Хятадын Синофарм, Синовак компаниудын бүтээсэн "ковид-19"-ийн эсрэг вакцины туршилтын үр дүнд олон улсын экспертүүдийн зөвлөл үнэлгээ хийж дүгнэлтийг Дэлхийн Эрүүл Мэндийн Байгууллагад хүргүүлжээ.
Эдгээр вакцинуудыг яаралтай горимд хэрэглэх зөвшөөрөл олгох эсэх асуудлыг ДЭМБ энэ долоо хоногт багтаан шийдвэрлэх төлөвтэй байна.
ДЭМБ-ын дэргэдэх экспертүүдийн зөвлөл Синофарм үйлдвэрийн Vero Cell вакцинд гурван өөр туршилтын үр дүн дээр үндэслэн шинжилгээ хийжээ.
Өнөөдрийн байдлаар дэлхийн 45 улсад Vero Cell вакцины 65 сая тун хийгдсэн байна.
Манай улсад өчигдөр Vero Cell вакцинаас 148,800 тун нэмж ирсэн.