ЭМЯ-аас цар тахлын нөхцөл байдлын талаар ээлжит мэдээлэл өглөө. /2021.06.30/
Сүүлийн 24 цагт улсын хэмжээнд 11.048 мянга гаруй хүнд хийсэн PCR шинжилгээгээр 2246 хүнээс коронавирусийн халдвар илэрчээ. Эдгээрийн 1345 нь нийслэлд, 901 нь хөдөө орон нутагт бүртгэгдсэн байна.
Ингэснээр манай улсад "Ковид-19" халдварын нийт батлагдсан тохиолдлын тоо 115.478 болов. Мөн хугацаанд 2825 хүн эдгэрч, нийт эдгэрсэн хүний тоо 76.654 болсон байна. Харамсалтай нь коронавирусийн нэн хүнд хэлбэрээр 15 хүн нас барж, нийт 563 хүн эндээд байна.
Одоогийн байдлаар улсын хэмжээнд 14.121 хүн эмнэлэгт хэвтэн эмчлүүлж байгаагаас 239 хүний биеийн байдал маш хүнд байгаа аж. Хөнгөн хэлбэрийн оноштой 24.112 хүн гэрийн тусгаарлалт эмчлүүлж байна. Нийт 38.233 хүн эмчилгээ хийлгэж байгаа аж.