Эрэгтэйчүүдийн тестостероны хэмжээ болон бэлгийн дур хүсэл буурах шалтгаануудын цаана ямар асуудал байдаг талаар Адам" андролог, урологийн эмнэлгийн эмч, АУ-ны доктор Н.Нансалмаа дараах зөвлөгөөг өгөв.
Хүний бэлгийн амьдрал нойртой салшгүй холбоотой. Олон хоног нойр дутуу, нойргүй явснаар бэлгийн амьдрал мууддаг. Тодруулбал, хүний гүн нойронд ялгарч байдаг мелатонин бодистой тестостероны ялгаралт шууд хамааралтай байдаг. Мелатонын ялгаралт тестостероны хэмжээ багассан хүнд дагаад багасдаг учраас нойргүйдэл үүсдэг. Тестостерон багасахаар эрэгтэй хүн хэвлий хэсгээрээ таргалах, хөхний хэмжээ томрох зэргээр эмэгтэйлэг болж эхэлнэ. Цаашлаад унтаж чадахгүй нойргүйдэх, ууртай уцаартай болох, эршүүд шинж нь багасаж эхэлдэг.
Бэлгийн дур хүсэл буурах нь бэлгийн даавар буюу бэлгийн дур хүслийг хэвийн байлгадаг тестостерон даавартай холбоотой. Бэлгийн даавар үрийн шингэн биш гэдгийг одоо бүгд мэддэг болсон байх. Энэ хоёрыг андуурдаг хүмүүс олон. Тэгэхээр, тестостероны 95 хувь нь төмсөгнөөс, 5 хувь нь бөөрний дээд булчирхайнаас ялгардаг бөгөөд эрэгтэй хүний эршүүд шинжийг нөхцөлдүүлдэг гол даавар. Эршүүд шинж гэдэгт булчинлаг байх, дуу хоолой бүдүүн байх зэргийг хэлж байгаа. Тестостерон нь ясны солилцоо, ясны сийрэгжилт үүсэхээс сэргийлэх, нойр, сэтгэл санааны асуудлуудыг зохицуулдаг маш олон төрлийн ач холбогдолтой. Тестостероны хэмжээ багасах нь бэлгийн дур хүслийг бууруулдаг.
Тиймээс эрчүүд маань 45-аас дээш насанд жилдээ нэг удаа тестостероны хэмжээгээ хэмжүүлж байх ёстой. Ингэж хэмжүүлэхдээ дуртай цагтаа эмнэлэгт очихгүйг анхаараарай. Шинжилгээ өгөхийн өмнөх шөнө сайн унтаж амарсан байх шаардлагатай бөгөөд өглөөний 11 цагаас өмнө очиж өгөх зэргээр хувийн бэлтгэл байдлаа хангана.