2017/12/18. Даваа гараг Дугаар: #669

ДЭЛХИЙН АНИР

Google-ийн эрх чөлөөт ажилтнууд хэдэн долларын цалин авдаг вэ?

— Б.Түвшинбаяр   2017 оны 10 сарын 06

Дэлхийн номер нэг хайлтын систем болох Google-ийг анх байгуулагдаж байхад нь технологийн ийм хүчирхэг компани болох юм чинээ хэн ч төсөөлж байгаагүй биз ээ. Эдүгээ энэ компани дэлхийн олон оронд салбартай, өдөртөө тэрбум гаруй хайлт хийгддэг, жилийн нийт орлого нь долоон тэрбум ам.долларт хүрсэн аварга гигант болж чаджээ.

Google-д дэлхийн олон орны шилдэг софтвэйр мэргэжилтнүүд ажилладаг. Тэдэнд бусад төрлийн компанийн ажилтнууд шиг өдөрт заавал тэдэн цаг ажиллах ёстой гэсэн хатуу дүрэм үйлчилдэггүй. Учир нь Google-ийн ажилтнууд дэлхийн өнцөг булан бүрээс цугласан хамгийн шилдгүүд нь учраас тэднийг бараг өөрсдийнхөө хоббигоор ажилладаг гэж хэлж болно. Хэрвээ чи Google-д ажилладаг бол өнөөдөр ажлынхаа байранд огт ирэхгүй, зүгээр л гэрээсээ ажиллаж болно. Эсвэл магадгүй бүр гэрийнхээ ойролцоо байх Старбаксаас ажлаа хийж яагаад болохгүй гэж. Эсрэгээрээ бүр ажилдаа улайран хоббитож, офис дээрээ хонон өнжин ажилласан ч болно. Дэлхийн олон оронд салбартай Google-ийн офисууд хүний ажиллах орчин, амрах цаг нарыг тун сайн бодолцсон интерьер, тохижилттой байдаг учраас тэр шүү дээ. Бусад албан байгууллагуудын ажилчид олон цагаар нойргүй ажиллаж ядарчихаад даргынхаа нүдийг хариулан байж ширээн дээрээ хэдхэн минут дугхийх гэж үйлээ үздэг бол Google-ийн ажилчдын хувьд байдал эсрэгээрээ. Учир нь Google-ийн офис болгонд хүйтэн зууш, хачиртай талх, амтат бургер, төрөл бүрийн ус, ундаа, жүүсээр дүүргэсэн хөргөгчнүүд хаа сайгүй бий. Эндээс дуртайгаа ямар нэгэн үнэ төлбөр цалин дээрээсээ суутгуулалгүйгээр чөлөөтэй авч идэж болно.

Хэрэв нойр чинь хүрээд ядраад байгаа бол чамд зориулж тохижуулсан жижгэвтэр мөртлөө тохилог амралтын өрөөнд ороод зурагт үзэж байгаад нам унтаад өгсөн ч болно. Босч ирээд ажлаа үргэлжлүүлэн хийж яагаад болохгүй гэж. Хэрвээ чи ажил дээрээ хонон өнжин ажиллахаар шийдсэн бол Google-ийн оффист усанд орох халуун шүршүүр бүхий угаалгын өрөө, зөвхөн чамд оногдох хувцас болон бусад эд зүйлсээ хадгалах зориулалтын шүүгээ гээд хүнд хэрэгтэй бүхэн энд бий. Хонон өнжин ажиллахгүй ч гэсэн заавал сандал дээр сууж, ширээний ард ажиллахаас залхаж байгаа бол Google-д амрангаа ажлаа хийх зориулалттай зөөлөн буйдан, хагас унтлагын ор бүхий тохилог ажлын өрөөнүүд ч бас байдгийг хэлэх хэрэгтэй.

Мэдээж хүн л юм болсон хойно Google-ийн ажилчид хөгжиж, цэнгэлдэлгүй л яахав. Хэн нэгний төрсөн өдөр, эсвэл олон нийтийг хамарсан ямар нэгэн баяр ёслол зэргийг тэмдэглэх тусгай төсөв зардлуудыг сар болгон Google ажиллагсаддаа зориулан баталж өгдөг бөгөөд эдгээр арга хэмжээнүүдэд оролцох эсэх нь мэдээж тухайн хүний өөрийн л сонголт, хамгийн гол нь халааснаас бараг зардал гарахгүй. Бүгдийг нь цаанаасаа төсөвлөчихсөн учраас тэр шүү дээ. 

Google-ийн ажилтнуудын цалин хэд байдгийг олон хүн сонирхож байгаа нь лавтай. Тэгвэл програм хангамжийн ахлах инженерийн цалин 102.000 ам.доллараас эхэлж дээшээ 188.000 хүртэл өсөх боломжтой бол техникийн программын менежерийнх 93.000 ам доллараас эхэлж 163.000 ам.доллар хүртэл өсөх боломжтой байдаг аж. Харин програм хангамж хөгжүүлэгч ажилтан 56.000-136.000 ам.долларыг сард авдаг байна. Ингээд Google-ийн дэлхий даяар байрлах офисуудын дотоод тохижилттой танилцацгаая. Сонирхуулахад Google-д ажилд орох хүнээс ямар нэгэн компьютерийн мэдлэг шаардсан шалгалт биш, харин хүний хөгжил, сэтгэхүй, ерөнхий мэдлэг, IQ шаардсан 100 орчим асуулттай тест авдаг гэсэн шүү. Энэ тестийг амжилттай бөглөсөн хүн дараагийн шатны шалгалт буюу ярилцлагад ордог аж.

Эх сурвалж: Google.com

Б.Түвшинбаяр



Хуваалцах



ТУСГАЙ ЗОЧИН

Судлаач Т.Чимэдцэрэн: Америк хүн тэрбум 200 саяар үнэлэгдэж байхад монгол хүн 10 дахин бага үнэлгээтэй

ХААИС-ийн ЭЗБС-ийн Менежментийн тэнхимийн багш, докторант Т.Чимэдцэрэн урд өмнө нь манайд дорвитой яригдаж байгаагүй монгол хүний үнэлэмжийн чиглэлээр цоо шинэ судалгаа хийжээ. Иргэнээ үнэлдэг, хүн төвтэй бодлого барьдаг хөгжингүй орнуудын жишгээс бид юуг суралцах шаардлагатай, манайд ямар асуудал тулгараад байгаа талаар түүний ярилцлага олон шинэ мэдээллийг өгөх болно.

— П.Хангал   2017 оны 12 сарын 12

Холбоотой

27 настай Омар Бин Султаны удирдах Хиймэл оюун ухааны яам

Арабын Нэгдсэн Эмират Улс засгийн газрын бүтцээ танаж, яамдын тоог цөөлөн, төрийн зарим чиг үүргийг хувийн хэвшлийнхнээр гүйцэтгүүлнэ хэмээн өнгөрөгч хоёрдугаар сард мэдэгдэж байсан юм. Дэлгэрэнгүй

— Т.Наранцэцэг   2017 оны 12 сарын 12

Сансарт жуулчин илгээх өрсөлдөөн

Их Британийн тэрбумтан Ричард Брэнсоны “Virgin galactic” компани сансрын аялал жуулчлалын үйлчилгээ үзүүлэх анхны компани болон байгуулагдаж, сансарт аялах хөлөг бүтээж байсан юм. Дэлгэрэнгүй

— Т.Наранцэцэг   2017 оны 11 сарын 27

Санал болгох

“Монголын нууц товчоо” 30 гаруй хэлээр орчуулагдан хэвлэгдээд байна

 “Дэлхийд  түгсэн Монголын нууц товчоон” бүтээл нь монгол түмний оюуны соёлын нандин сурвалж дэлхий дахинд хэрхэн түгсэнийг баримтаар харуулаад зогсохгүй “Монголын нууц товчоон”-ны судалгааг шинэ шатанд гаргах... Дэлгэрэнгүй

— Д.Урангоо   2017 оны 12 сарын 12

Жил бүр 6 сая хүн тамхинаас болж амиа алддаг

Өнөөдөр дэлхий дахинаа хэрэглэж байгаа хүмүүсийнхээ тал хувийг үхэлд хүргэдэг. Одоогийн байдлаар дэлхий дээр нэг тэрбум гаруй хүн тамхи татаж байгаа бөгөөд жил болгон 6 сая гаруй хүнийг үхэлд хүргэж байна. Дэлгэрэнгүй

— Ж.Гантулга   2017 оны 11 сарын 24


Тусгалын Технологи болон дизайны түнш: Batu Digital