2022/10/06. Пүрэв гараг Дугаар: #2422

НОГООН ХУУДАС

ФОТО: Уур амьсгалын өөрчлөлт ба зэрлэг амьтдын оны онцлох гэрэл зургууд

— Ч.Баяржаргал   2022 оны 09 сарын 08

Оны онцлох зэрлэг амьтдын шилдэг гэрэл зургууд BBC-д нийтлэгджээ. 

1. Бяцхан Бонобо /Одой шимпанзе/ Moongose буюу мэрэгч амьтан тэврээд сууж буй агшинг гэрэл зурагт буулгажээ. Бонобо ихэвчлэн жимс иддэг ч заримдаа ан хийдэг байна. Өөрийн тэжээвэр амьтнаа энгэртээ халуун дотноор тэвэрсэн мэт дүр зураг боловч угтаа бол ээжийг нь агначхаад зулзагыг нь оройн хоолонд авч явах гэж буй харгис үйлдэл болохыг олон хоногийн турш ажиглахдаа мэджээ. Энэхүү гэрэл зураг Байгалийн түүхийн музейн 58 дахь удаагийн "Оны шилдэг зэрлэг ан амьтдын гэрэл зурагчин" шагналыг хүртжээ. Гэрэл зургийг Кристиан Зиглер /CHRISTIAN ZIEGLER/ 

2. 19-20-р зууны үед устах аюулд ороод байсан Баруун өмнөд хэсгийн уг халимтай гэрэл зурагчин маань 30 минутын турш хамт сэлэхдээ энэхүү дүрсийг буулгажээ.  Гэрэл зургийг Ричард Робинсон /RICHARD ROBINSON/

3. Усан доорх гайхамшиг. Лапландын Посио дахь нуурын усанд шумбаж байхдаа энэхүү гэрэл зургийг дарсан байна. Уур амьсгалын өөрчлөлт, усны температур хэт халснаас үүдэн үүл мэт харагдах их хэмжээний замаг ургажээ. Усанд тусах нарны гэрлийг эдгээр замаг хааснаар усны амьтдад ихээхэн асуудал тулгардаг байна. Уур амьсгалын өөрчлөлт хүн төрөлхтөн төдийгүй амьд бүхэнд хэчнээн сөрөг нөлөө үүсгэж буйг харуулахыг зорьсон бололтой. Финляндын гэрэл зурагчин Тина Тёрманен /TIINA TÖRMÄNEN/.

4. Алдагдсан үер. Урьд өмнө нь зурагт харагдах байшингуудын өндөрт хүрэхүйц их устай байж. Африктаа дөрөвт орохуйц урттай Замбези голын түвшин багасаж, ган гачиг, уур амьсгалын өөрчлөлттэй нүүр тулжээ. Уур амьсгалын өөрчлөлт гэж хүн бүхэн ярьдаг ч бодит байдалд ямар аюул нүүрлэж буйг энэ зургаас харж болохоор. Голландын гэрэл зурагчин Жаспер Доест /JASPER DOEST/

5. Орхигдсон арлыг эзэлсэн цагаан баавгай. ОХУ-ын нутаг дэвсгэрт харьяалагдах Колючин хэмээх жижигхэн арал дээр 20 гаруй цагаан баавгай хоол хүнс хайж ирэх үеэр энэ зургийг дарсан байна. Уур амьсгалын өөрчлөлт, дэлхийн дулаарал, мөнх цаст мөсөн голууд буйн уршиг цагаан баавгайг суурин газарт ирэхэд хүргэжээ. Гэрэл зургийг Дмитрий Кох /DMITRY KOKH/

6. Модны мэлхий өндөглөх агшин. Энэхүү гэрэл зургийг Коста Рикагийн усан санд цээжээр татсан усан дотор үүрээр дарсан байна. Эмэгчин мэлхий далдуу модны навчин дээр нэг удаад 200 гаруй өндөг гаргадаг аж. Гэрэл зургийг Брэндон Гюлл /BRANDON GÜELL/ 

7. Цасан буга. Энэхүү гайхам сүрдэм, үзэсгэлэнтэй зургийг Жошуа дөнгөж 6 настай байхдаа даржээ. Лондонгийн Ричмонд цэцэрлэгт хүрээлэнд цас орж байх үеэр дарсан байна. Жошау багаасаа л тоглоомон камер ашигладаг, дуртай байсан бөгөөд жижигхэн шинэ камертай болоод удаагүй байхдаа энэ зургийг авчээ. Жошуа Кокс /JOSHUA COX/




Хуваалцах



Тод тусгал

Холбоотой

Ой хээрийн түймрийн талаар таны заавал мэдэх ёстой зүйлс

Анхаараарай, Түймэр гарах нөхцөл бүрдсэн намрын хуурайшилтын үе арай дуусаагүй байна. Жилийн дөрвөн улирал, эрс тэс уур амьсгалтай Монгол улсын хувьд хүний сэтгэл болон, байгаль цаг уур хамгийн тогтворгүй байдаг улирал нь хавар, намар гэдэгтэй... Дэлгэрэнгүй

— Б.Батцэцэг   2022 оны 09 сарын 26

1.1 тэрбум мод үхэж болзошгүй эрсдэлээс сэргийлэх "Эрүүл ой" төслийг хэрэгжүүлнэ

“Эрүүл ой” төслийг гурван жилийн хугацаанд хэрэгжүүлэх гурван талт хамтын ажиллагааны гэрээг Монгол Улсын Байгаль орчин, аялал жуулчлалын яам, Рио Тинто Монгол ХХК, “Олон улсын байгаль хамгаалах нийгэмлэг” төрийн бус... Дэлгэрэнгүй

— Ч.Баяржаргал   2022 оны 09 сарын 23

Санал болгох

Алимны цууг өдөрт 2 халбаганаас илүү хэмжээгээр хэрэглэхгүй байхыг зөвлөжээ

Алимны цуу өөх сайн хайлуулж, хорт бохирдлыг хөөнө гэх мэдээлэл нь бүрэн бус юм. Японы Биошинжлэх ухаан, биотехнологи, биохимийн сэтгүүлд нийтлүүлсэн судалгааны ажилд дараах үр дүнд хүрсэн тухай бичжээ. Дэлгэрэнгүй

— Ч.Баяржаргал   1 цагийн өмнө

Намрын улиралд сонгино, архи хэрэглэхийг цээрлэнэ

Жилийн дөрвөн улиралтай манай орны хувьд цаг улиралтайгаа уялдуулан идээ ундаагаа сонгох, явдал мөрөө зохицуулах нь эрүүл мэндэд зайлшгүй чухал юм.Анагаах ухааны сурвалж бичигт “Амттай шимтэй идэш уушинд хэтэрхий шунахайран цээрлэлийг... Дэлгэрэнгүй

— Ч.Баяржаргал   1 цагийн өмнө