2017/10/17. Мягмар гараг Дугаар: #607

ТОД ТУСГАЛ

Цэцэрлэгийн наснаас нь уншуулж сургадаг хүүхдийн номын өргөө

— Б.Түвшинбаяр   2017 оны 10 сарын 06

Соёлын төв өргөөнд байрлах Хүүхдийн төв номын сан хэмээх энэ газрыг зарим хүмүүс тэр бүр анзаардаггүй болов уу. Анх 2003 онд байгуулагдсан энэ номын санг оюутан залуус, дунд сургуулийн сурагчдаас эхлээд цэцэрлэгийн бяцхан жаалууд хүртэл зорин ирдэг.

Уншлагын зургаан танхимтай, жилдээ 100-150 мянган уншигчид үйлчилдэг хүүхдийн номын өргөөг "Тод тусгал" онцолж байна


Г.Дарьсүрэн “Их мэдэх” танхимын багшаар ажилладаг. Олон арван хүүхдийг номын хорхойтон болгож хүмүүжүүлсэн Дариа багш “Хүүхдийг номонд дуртай болгохын тулд цаг их ордог. Анх эхлэхдээ их аядуу, уриалгахан арга барилаар хүүхэдтэй ажиллах хэрэгтэй. Дараа нь номон дээр юу байдаг юм. Юу нь сонирхолтой байдаг вэ гэдгийг мэдрүүлэхийг хичээдэг. Над дээр 10 хүртэлх насны хүүхдүүд ирдгээс хамгийн бага  нь гурван настай” хэмээн ярьж байна. 

Түүгээр ном уншихыг заалгасан хүүхдүүд үеийнхээ бусад хүүхдүүд шиг фэйсбүүкийн донтон биш, харин жинхэнэ номын хорхойтон болж хүмүүждэг гэдгийг эцэг эхчүүд, хамт олон нь онцолж байсан юм.

Гурван настай О.Энэрэл, зургаан настай Э.Эгшиглэн, Г.Энх-Учрал нар  “Их мэдэх” танхимын байнгын үйлчлүүлэгчид гэнэ. Тэднийг Дариа багш номонд дуртай болгож чаджээ.

М.Номун, М.Байгаль нар эгч дүүс. Тэднийг гоц авьяастнууд гэж хэлж болно. Эгч нь англи хэлнээс өөрийн орчуулсан “Салхи хүчтэй шуурах үед”, харин дүү нь “Гэгээнтний найзууд” хэмээх яруу найргийн номоо тус тус олон нийтийн хүртээл болгожээ.

Үе тэнгийн эрэгтэй хүүхдүүд зэрэгцэн суугаад ном унших нь өнөө цагт ховорхон дүр зураг гэлтэй. Тэдний үе тэнгийнхнээс интернэт тоглоом, фэйсбүүкт донтон салж чадахаа байсан муу жишээ хангалттай олон.

Б.Санчиргарав охин энд тогтмол ирж англи хэлний хичээлээ давтдаг. Тэрээр АНУ-ын их сургуулийн тэтгэлэгт хамрагдахыг зорьж байгаа гэнэ.

“Их мэдэх” танхимаас гадна сурагч, оюутнуудад зориулсан герман, япон, монгол зэрэг таван танхимтай тус номын сангийн хамт олон өөрсдийн гэсэн байртай болж, “Хүүхдийн номын ордон” байгуулах өөдрөг тэмүүллээр ирээдүйгээ харж байна

Герман хэлний танхимын ном болон cd-ний цуглуулга

Япон хэлний танхим



Сэтгэгдэл бичих

Б.Түвшинбаяр



Хуваалцах



Холбоотой

Залуужуулах эмчилгээний гайхалтай 3 дэвшил

“Тод Каннам”  эмнэлэг нь анх 2013 онд Гоо сайхны мэс заслын төрөлжсөн нарийн мэргэжлийн эмнэлгээр гараагаа эхэлж байсан бол одоогоор арьс гоо засал, арьс арчилгаа эстетик, эрэгтэйчүүдийн мэс засал, “аnti-аging” буюу... Дэлгэрэнгүй

— Д.Урангоо   2017 оны 10 сарын 12

Орчин үеийн топ 10 номын сан

1. Нидерландын Воок Моuntain номын санНидерландын Спижкенис хотын төвд орших сэтгэл татам тунгалаг өнгөтэй барилга бол “Номоор бүтсэн уул” хэмээх өргөө юм. Дэлгэрэнгүй

— Т.Наранцэцэг   2017 оны 10 сарын 04

Ирландын 300 жилийн түүхтэй номын сан

Номын сүм ч гэх юмуу, номын шилтгээн ч гэмээр энэ гоёмсог газар Дублин хотын Тринити коллежд байх бөгөөд 1712-1732 оны хооронд байгуулагдсан түүхтэй. Дэлгэрэнгүй

— Т.Наранцэцэг   2017 оны 09 сарын 29

Үүлэн дээрх таван одтой зочид буудал

Онгоцны эзний дээд зэргийн тохилог унтлагын өрөөСалоны талбайн хэмжээ 200 гаруй метр квадратУнтлагын өрөөний хажууд хувцасны өрөө болон маш том талбай бүхий угаалгын өрөө байрлана.Нэгдүгээр зэрэглэлийн ахлах тогооч гэх мэтчилэн бүх үйлчилгээ дээд... Дэлгэрэнгүй

— Т.Наранцэцэг   2017 оны 09 сарын 25


Тусгалын Технологи болон дизайны түнш: Batu Digital