Жанхайн тарвагат хашид 3 сойр шувуу ажиглагдсан талаар Хөвсгөлийн Улсын Тусгай Хамгаалалттай Газрын Хамгаалалтын Захиргаанаас мэдээллээ.
Нургийн сойр (Tetrao parvirostris) нь Хангай, Хэнтий нуруу, Хөвсгөлийн уулсын ой тайгын хуш, нарсан ойд амьдарч бут бургасны доогуур үүрээ засч, төрөл бүрийн жимс, самар ургамлын үр, шавьж, нахиа, шилмүүсээр хооллож амьдардаг.
Хавар ногоо гарах үеэр модны зах, уулын энгэр хормой бараадаж гол төлөв яргуйгаар хооллодог. Биеийн урт нь 75-92 см, жин нь 2.7-4 кг. Хавар 4-р сарын эцсээс 5-р сарын дунд хүртэл орооны үе эхлэх бөгөөд 6-р сард тахианы өндөгний хэртэй 6-8 өндөг гаргадаг.
Сойр нь ойгоос гарч, хур шиг олноороо сүрэглэн явдаггүй, зөвхөн ой тайгадаа тогтвортой байршин амьдардаг, их сонор соргог, тэр болгон элбэг тааралддаггүй шувуу юм.