Стандартын шаардлага хангахгүй, хорт утаа ихээр ялгаруулдаг автомашинуудыг 2025 оны зургаадугаар сарын1-ний өдрөөс замын хөдөлгөөнд оролцуулахгүй.

Энэ талаар БОУАӨ-ийн сайд С.Одонтуяа хэлэхдээ, Замын  хөдөлгөөнд оролцож буй автомашинуудын яндангаас зөвшөөрөгдөх хэмжээнээс хэтэрсэн, стандартын шаардлага хангахгүй, нүүрстөрөгчийн эсэл ихээр ялгаруулдаг машинууд олноор явж байгаа нь хүрээлэн буй орчны асуудалд маш хортойгоор нөлөөлж байна. Ялангуяа бага насны хүүхдүүдэд илүү хортой нөлөөтэй. 

Монгол Улс хүрээлэн буй орчны эрүүл мэндээр дэлхийн улс орнуудын жагсаалтад доогуур ордог. Нийт 180 орноос манай улс хүрээлэн буй орчны эрүүл мэндээр 141, агаарын чанараар 172, хүнд металийн 151-р байрт явж байна. Иймд салбар яамнаас Улаанбаатар хотод явж байгаа машинууд стандартын хэмжээнээс хэтэрсэн хорт утаа ялгаруулж байвал замын хөдөлгөөнд оролцуулахгүй байх шийдвэрийг гаргаж, ирэх оноос хэрэгжүүлэхээр ажиллаж байна" гэлээ.