Монгол Улсын Засгийн газрын 2023 оны 472 дугаар тогтоолоор Дархлаажуулалтын үндэсний товлолыг шинэчлэн баталж, товлолын дагуу Хүний папиллома вирус (ХПВ)-ийн эсрэг вакциныг 11 настай охид, хөвгүүдэд хийхээр тусгасан. 2024 оны 11 дүгээр сарын 25-ны өдрөөс дархлаажуулалт орон даяар эхлээд байна. 

АШУҮИС-ийн Био-Анагаахын хүрээлэнгийн захирал, Хүний их эмч, АУ-ны доктор, дэд профессор Ч.БАТТОГТОХ: Хүнээс хүнд халдварладаг папиллома вирусийн 200 орчим хэв шинж бий. Үүнээс салстаар халдварладаг 50 орчим хэв шинжийн дамжих зам нь ихэнхдээ бэлгийн хавьтал. Нэг удаагийн бэлгийн хавьтлаар хэд хэд хэв шинжүүд халдварлаж болно. Тэр дунд өндөр эрсдэлтэй, хорт хавдар үүсгэдэг хэв шинжүүд байна. Дийлэнхдээ умайн хүзүүн хорт хавдар болон өөр эрхтний буюу эрэгтэй, эмэгтэй ялгаагүй залгиур хоолойн, төвөнхийн, бэлэг эрхтний г.м хорт хавдруудыг үүсгэдэг.

Бэлгийн харьцаанд орж байгаа насныхан эхний 24 сард 80 хувь нь папиллома вирусийн халдварт өртдөг. Анагаах ухааны хувьд сэргийлж болох вирус. Гэтэл сэргийлэх боломжгүй вирусээр үүсгэгддэг олон хорт хавдар байна шүү дээ. Жишээ нь элэгний хавдрын шалтгаан болсон гепатит D вирусийн халдвар байна. Өвчилсөн хойно нь л эмчлэх асуудал яригддаг.

Хүний папиллома вирус (HPV)-ийн үүсэл, хэв шинжүүдийн онцлог, аль хэв шинж нь хэрхэн хавдар үүсгэдэг талаар дэлгэрэнгүй мэдээллийг доорх бичлэгнээс үзнэ үү.

Манай улс дархлаажуулалтдаа Монгол Улсын эмийн бүртгэлд бүртгэгдсэн, АНУ-ын Хүнс, Эмийн агентлаг, Европын холбооны эмийн агентлаг, ДЭМБ-ын чанарын шаардлага хангасан, АНУ-ын Мерк Шарп үйлдвэрийн "гардасил" ХПВ-ийн 6, 11, 16, 18-р хэвшинжийн халдвараас сэргийлэх, нэг хүн тунгаар савлагдсан рекомбинант вакциныг хийж буй. Уг вакцины найрлагын талаарх мэдээллийг хүргэж байна. 

Эх сурвалж: ЭМЯ