Одооны хүүхдүүд хэтэрхий хүний үг даахгүй сул дорой болсон. Бидний үед аав, ээждээ, багшдаа загнуулаад болдог л байсан. Ингэлээ гээд муудаагүй гэж зарим хүмүүс ярьдаг. ГЭХДЭЭ...

Хүний сэтгэл зүй гэдэг нийгмээ дагаад хувьсаж өөрчлөгдөж байдаг. Орчин үеийн хүүхдүүд нийгмээ дагаад их зүйлийг үзэж харж, сонсож мэддэг болжээ. Ийм учраас хүн өөртэй нь зөв харьцаж байна уу, үгүй юу, өөрийнх нь эрх юу юм гэдгийг мэддэг болчихож. Дээхнэ үеийн хүүхдүүд томчуудын загнаж зандрах, ганц нэг цохиод авах зэргийг тэсвэрлээд тоохгүй сурчихсан байж болно. Гэвч одооны хүүхдүүдийн хэрэгцээ өөр болсон. 

Хүүхдүүд маань интернэтээс хүссэн сэдвээрээ хайлт хийгээд түүнийгээ олж чадаж байна. Тиймээс үе үеэрээ өөр гэдгийг ойлгох хэрэгтэй. Үе үеийн хүүхдүүдийн сэтгэл зүй өөр. Мэдээж сахилгагүйжүүлэлтийн арга хэмжээ хэрэгтэй юу гэвэл хэрэгтэй. Хүүхдийнхээ хонгон дээр ганц нэг цохиж алгадаад авахыг онцгой тохиолдолд байж болох үйлдэл гэж бодвол заавал муухайгаар хашгирч орилж, зандарч шийтгэх албагүй. Хүүхэд чинь өмнө нь гаргасан алдаагаа яг давтаж байгаа бол. Та тэр алдааг өмнө нь нэг удаа хэлж анхааруулаад өнгөрсөн бол хоёр дахь удаад ганц нэг удаа хонгон дээр нь цохиод авах зэргийн асуудал байх. 

Гэхдээ өмнө нь өөрөө хэлж, анхааруулж, алдаа оноог нь зааж өгөөгүй байж чи алдаагаа давтлаа гээд цохиж аваад байж болохгүй. Учир шалтгаан, алдаа дутагдлыг сайн хэлж, ойлгуулах нь маш чухал юм. 

Эхлээд хүүхдэдээ буруугаа ойлгож, бодож тунгаах хугацаа өгөх хэрэгтэй. Ингээд бодож тунгаасных нь дараа чамайг тийм буруу зүйл хийсэн учраас аав, ээж нь ийм сахилгын арга хэмжээ авсан. Чи үүнийгээ өөрөө ойлгож, алдаагаа давтахгүй байх хэрэгтэй гэдэг талаас нь сайн ярилцах хэрэгтэй.

Нэвтрүүлгийг бүрэн эхээр нь доорх линкээр үзнэ үү.