ЭМЯ-аас цар тахлын нөхцөл байдлын талаар ээлжит мэдээлэл хийлээ. /2021.06.11/
Улсын хэмжээнд сүүлийн 24 цагт 10653 хүнд хийсэн PCR шинжилгээгээр 1622 хүнээс коронавирусийн халдвар илэрчээ. Эдгээрийн 1100 нь нийслэлд, 491 нь хөдөө орон нутагт бүртгэгдсэн бол эмнэлгээс шалтгаалах нэг, зөөвөрлөгдсөн 30 тохиолдол бүртгэгдсэн байна. Ингэснээр манай улсад “Ковид-19” халдварын нийт тохиолдол 72104 боллоо.
Сүүлийн 24 цагт 684 хүн эмнэлгээс гарснаар нийт 56253 хүн эдгэрсэн бол коронавируст халдварын нэн хүнд хэлбэрээр 8 хүн нас баржээ. Ингэснээр коронавируст халдварын улмаас нийт 342 хүн эндээд байна.
Хөдөө орон нутаг болон нийслэлийн эмнэлгүүдэд нийт 7498 хүн хэвтэн эмчлүүлж байгаагаас 138 хүний биеийн байдал маш хүнд байна. Мөн коронавирусээр халдварлаад шинж тэмдэг хөнгөн хэлбэрээр өвчилсөн 7988 хүн өрхийн эмчийн хяналтад байна.
БИЧЛЭГ ҮЗЭХ: