Хорт бодис агуулсан зай газрын хөрсөнд шигдэж, илжирч, агаарт уусан задарч бид түүгээр нь амьсгалдаг. Тиймээс дахин цэнэглэх зориулалттай ЛИТИУМ ИОН (Li-ion) тэмдэглэгээтэй зайг хэрэглэж нэг удаагийн зайнаас татгалзан, байгаль орчноо хамгаалахыг уриалж байна.
Нэг ширхэг зай 4 метр квадрат талбайг хордуулж, 800 мянган литр ус бохирдуулдаг.
Зайг амандаа хийх нь сэтгэн бодох чадварыг удаашруулах, амтлах чадварыг алдагдуулах, хэл ярианы гажиг үүсгэх эрсдэлтэйг НЭМҮТ-өөс сэрэмжүүлсэн юм.
Зай нь аюултай хог хаягдалд ордог учраас ахуйн хогтой хамтад нь шууд хаяж болохгүй. Тэгвэл хаягдал зайг шууд байгальд хаяхгүйгээр хаягдал зай цуглуулдаг цэгүүдэд өгч, зориулалтын дагуу устгуулах боломжтой.
Монгол улсын хилээр хаягдал батерей гаргах нь асар их зардалтай байдаг бөгөөд зөвхөн устгах л боломжтой байдаг. Дахин ашиглах боломжгүй аюултай хог хаягдал болох зайг аль болох ашиглахгүй байх, дахин цэнэглэх зориулалттай зай сонгож хэрэглэхийг уриалъя.
Хэрэв та хаягдал батарейг хаана өгөхөө мэдэхгүй байгаа бол өөрт хамгийн ойр байрлах "CU" сүлжээ дэлгүүрт хаягдал батарей цуглуулах хогийн саванд хийх боломжтой шүү.
