2017/12/18. Даваа гараг Дугаар: #669

НОГООН ХУУДАС

Нидерландын бүх галт тэрэг салхины эрчим хүч ашигладаг боллоо

— П.Хангал   2017 оны 11 сарын 28

Сэргээгдэх эрчим хүчний төслүүдийг амжилттай хэрэгжүүлж, уур амьсгалын өөрчлөлтийн эсрэг хувь нэмрээ оруулж буй улс орнуудын талаарх сайн мэдээний буухиа  үргэлжилсээр байна.

 АНУ-ын Нью-Йорк хотын ойролцоо байрлах атомын цахилгаан станцын дэргэд  салхины эрчим хүч гарган авдаг салхин паркийг “Deepwater Wind” комдани байгуулж байгаа бол Коста Рика улс өнгөрөгч онд улсынхаа эрчим хүчний 98,1 хувийг сэргээгдэх эрчим хүчээр хангасан мэдээ байна.

Нидерланд улсын  зорчигч тээврийн бүх цахилгаан галт тэрэгнүүд  салхинаас гаргаж авсан эрчим хүч ашиглаж эхэлжээ. Тус улсын Засгийн газар 2015 оны сүүлээр “2018 он гэхэд бүх цахилгаан галт тэргийг салхины эрчим хүчээр хөдөлгөдөг болно” хэмээн зорилт  тавьж байсан юм.

 Харин яг жилийн өмнө тус улсын төмөр замын томоохон  компани болох “NS”  2017 оны 1 дүгээр сарын 1-ний өдөр гэхэд бүх цахилгаан галт тэргэндээ салхины эрчим хүч ашигладаг болж, ногоон тээврийн эрин үеийг хурдасгах болно хэмээн зарлаж байжээ. 2016 онд энэхүү зорилт нь 75 хувьтай байсан бол ийнхүү энэ оны эхэнд 100 хувь болгон амласнаа биелүүлж чадлаа.

Нидерландын галт тэргэнд ашиглагдах салхины эрчим хүч нь тус улсын болон Бельги, Финлянд зэрэг оронд баригдаад удаагүй байгаа салхин фермүүдээс эх үүсвэрээ татах ажээ.

П.Хангал



Хуваалцах



ТУСГАЙ ЗОЧИН

Судлаач Т.Чимэдцэрэн: Америк хүн тэрбум 200 саяар үнэлэгдэж байхад монгол хүн 10 дахин бага үнэлгээтэй

ХААИС-ийн ЭЗБС-ийн Менежментийн тэнхимийн багш, докторант Т.Чимэдцэрэн урд өмнө нь манайд дорвитой яригдаж байгаагүй монгол хүний үнэлэмжийн чиглэлээр цоо шинэ судалгаа хийжээ. Иргэнээ үнэлдэг, хүн төвтэй бодлого барьдаг хөгжингүй орнуудын жишгээс бид юуг суралцах шаардлагатай, манайд ямар асуудал тулгараад байгаа талаар түүний ярилцлага олон шинэ мэдээллийг өгөх болно.

— П.Хангал   2017 оны 12 сарын 12

Холбоотой

Агаар цэвэршүүлэгч системтэй унадаг дугуй Бээжингийн зах зээлийг эзэлнэ

Голландын дизайнер Даана Русегард агаар цэвэршүүлдэг унадаг дугуй бүтээжээ.Агаарын бохирдлын хэмжээгээрээ муугийн жишээ болсон Бээжингийн 20 сая хүн хөдөлгөөний үед агаар цэвэршүүлдэг энэхүү эко дугуйг тун удахгүй ашиглах боломжтой болох юм. Дэлгэрэнгүй

— Т.Наранцэцэг   2017 оны 12 сарын 12

Усгүйдэхийн зовлон: нүд хальтрам 10 гэрэл зураг

Цэвэр усны хямрал дэлхийг нөмөрч, 663 сая хүн орон гэртэйгээ ойр цэвэр усны хангамж авч чадахгүйгээр амьдарч буйг үзүүлсэн гэрэл зургуудыг хүргэж байна. Дэлгэрэнгүй

— П.Хангал   2017 оны 11 сарын 25

Санал болгох

“Монголын нууц товчоо” 30 гаруй хэлээр орчуулагдан хэвлэгдээд байна

 “Дэлхийд  түгсэн Монголын нууц товчоон” бүтээл нь монгол түмний оюуны соёлын нандин сурвалж дэлхий дахинд хэрхэн түгсэнийг баримтаар харуулаад зогсохгүй “Монголын нууц товчоон”-ны судалгааг шинэ шатанд гаргах... Дэлгэрэнгүй

— Д.Урангоо   2017 оны 12 сарын 12

Жил бүр 6 сая хүн тамхинаас болж амиа алддаг

Өнөөдөр дэлхий дахинаа хэрэглэж байгаа хүмүүсийнхээ тал хувийг үхэлд хүргэдэг. Одоогийн байдлаар дэлхий дээр нэг тэрбум гаруй хүн тамхи татаж байгаа бөгөөд жил болгон 6 сая гаруй хүнийг үхэлд хүргэж байна. Дэлгэрэнгүй

— Ж.Гантулга   2017 оны 11 сарын 24


Тусгалын Технологи болон дизайны түнш: Batu Digital