Анхаараарай, Түймэр гарах нөхцөл бүрдсэн намрын хуурайшилтын үе арай дуусаагүй байна. Жилийн дөрвөн улирал, эрс тэс уур амьсгалтай Монгол улсын хувьд хүний сэтгэл болон, байгаль цаг уур хамгийн тогтворгүй байдаг улирал нь хавар, намар гэдэгтэй хэн ч маргахгүй. Намрын хуурайшил ихтэй дунд сар үргэлжилж, ой хээрийн түймэр гарах эрсдэл байсаар байгааг сануулъя.
Он гарсаар энэ сарын 19-ний өдрийн байдлаар нийслэлийн хэмжээнд гал түймрийн 1364, ой хээрийн түймрийн 5, аврах ажиллагааны 157, нийт 1526 удаагийн дуудлага бүртгэгдсэн нь өнгөрсөн оны мөн үетэй харьцуулахад 22.4%-иар өссөн үзүүлэлттэй байна.
Ой хээрийн түймрийн талаар таны заавал мэдэх ёстой зүйлс:
- Ой хээрийн түймрийн 90 гаруй хувь нь хүмүүс бидний санамсаргүй, буруутай үйл ажиллагаанаас болж гардаг. Сэрэмжтэй байгаарай.
- Байгальд хаягдсан шил, асаагуур зэрэг шатах материал бүхий хог үдийн наранд халалт үүсгэж хуурайшилттай газарт түймэр гаргах эрсдэлтэйг санаарай. Хогоо бүү хая.
- Түймэрт өртсөн ой мод, хөрс, экосистем дахиж хэзээ ч өмнөх шигээ нөхөн сэргэдэггүй. Тэнд өөр экосистем бүрэлддэг. Гэхдээ хагас жаран шаардлагатай.
- Ойн түймэр ганцхан оч, дөл, дутуу унтраасан шүдэнз, түүдэг, үнс нурмаас болж гардаг. Нэг секундэд хоёр метр зайд тархдаг. Тиймээс асаасан галаа бүрэн унтрааж, хүний асаасан галыг ч мөн анхаарч яваарай.
- Ой модонд галын дохиолол байхгүй. Галын машинаас ч хол учир маш их талбайг шатааж сүйтгэдэг. Хор хөнөөл нь харин хэдэн арван жилдээ үргэлжилдэг учир ойд гал бүү асаагаарай.
- Манай улсын ой мод түймрийн эрсдэлийн үнэлгээгээр хамгийн аюултай ангилалд ордог буюу түймэр гарах өндөр эрсдэлтэй. Хүн бүр анхаарал, болгоомжтой байгаарай.
- Түймрийн дараах хор хөнөөлийг амьтад, нялх зулзага хамгийн ихээр мэдэрч, туйлдаж, дүрвэн, тоо толгой, төрөл зүйл нь устах аюулд хүрдэг. Амьтан, ургамлаа хамгаалъя.
- Уур амьсгалын өөрчлөлтөөс үүдэн Монгол Улсын нийт газар нутгийн 76.9 хувь нь цөлжилтөд өртсөн тооцоо, судалгаа бий. Ойн түймэр гарсаар байвал дураалал, халалт, уурь амьсгалын өөрчлөлт нэмэгдсээр л байх болно. Харин байгаа орчиндоо мод тарих нь таны хийж чадах хамгийн үр өгөөжтэй ажил юм шүү.
Хүн, ургамал, ан амьтан, ус, агаар, бичил биетэн гээд байгалийн бүх баялаг ой модноос хамааралтай. Уур амьсгалын өөрчлөлтийг сааруулах, агаарын бохирдлыг бууруулахад ой мод хамгийн чухал нөлөөтэй. Иймээс ойн сангаа хамгаалахын тулд хүн бүр ухамсартай, сэрэмжтэй байхаас гадна мод тарьж ургуулахад уриалж байна.
