ЭМД-ын тухай хуульд Монгол Улсын иргэн бүр эрүүл мэндийн даатгалд заавал хамрагдахаар тусгасан. Ингэхдээ 0-18 насны хүүхдийн эрүүл мэндийн даатгалыг улсаас хариуцан төлдөг бол 19 наснаас эхлэн иргэн бүр ЭМД-аа өөрөө хариуцан төлдөг. 

Хэрэв ЭМД-аа төлсөн эсэхээ мэдэхгүй байгаа бол төрийн үйлчилгээний нэгдсэн систем Е-Мongolia, EBarimt болон emd.gov.mn цахим хаягт өөрийн РД-аа оруулан шалгах боломжтой юм. 

Оюун залуус ЭМД-ын шимтгэлд хэдэн төгрөг төлөх вэ?

Тухайн жилийн хөдөлмөрийн хөлсний доод хэмжээний 1 хувьтай тэнцэх төгрөг буюу 2024 онд сарын 6600₮, жилийн 79.200₮ төлнө. Шимтгэлээ Е-Мongolia апп, EBarimt апп, ebarimt.mn сайтаар төлвөл 15-30 минутад баталгаажна. 

Гар утасны И-Баримт аппликэйшнээр ЭМД-ын шимтгэл төлөхдөө регистрийн дугаарын өмнөх 2 үсгийг заавал криллээр буюу монгол фонтоор бичих шаардлагатайг анхаарна уу. 

ЭМД-ын шимтгэл төлснөөр эрүүл мэндийн тусламж үйлчилгээний зардлыг 70-100 хөнгөлөлттэй үнээр авах боломжтой 

Оюутан та ЭМД-ын шимтгэлээ цаг тухайд нь бүрэн төлснөөр шаардлагатай үедээ Эрүүл мэндийн даатгалын сангаас зардлын төлбөрийг нь хариуцдаг тусламж, үйлчилгээнүүдийг 70-100 хувийн хөнгөлөлттэй үнээр авах боломжтой.

ЭМДЕГ-тай гэрээтэй, даатгалаараа тусламж үйлчилгээ авах боломжтой улсын болон хувийн хэвшлийн эмнэлгүүдийн мэдээллийг дараах линкүүдээр үзнэ үү. 

• https://emd.gov.mn/pages/4
• https://emd.gov.mn/pages/5

ЭМД-аар дараах эрт илрүүлэг, урьдчилан сэргийлэх үзлэг шинжилгээнд хамрагдаж учирч болзошгүй өвчиг эмгэгээс эрүүл мэндээ хамгаалаарай. 

Ковер зургийг orgilnews.mn-ээс