2021/09/25. Бямба гараг Дугаар: #2046

ОНЦЛОХ

“Сайжруулсан түлшний цогц хэрэглээ” аяныг эхлүүллээ

— Ч. Баяржаргал   2021 оны 09 сарын 15

БОАЖЯ, Орчны бохирдлыг бууруулах үндэсний хороо, НЗДТГ, МХЕГ, ЦЕГ, ОБЕГ, “Таван толгой түлш” ХХК, бусад байгууллага хамтран сайжруулан түлшний нөөц, түгээлт, борлуулалт, хэрэглэх заавар, аюулгүй ажиллагааг хангахаар “Сайжруулсан түлшний цогц хэрэглээ” аяныг эхлүүллээ.

“Утаагүй, Угааргүй, Ухаалаг хэрэглэе” уриатай аян 12 дугаар сарын 15 хүртэл угаарын эрсдэл их, өвлийн бэлтгэл хийх хугацаанд үргэлжилнэ.

Сайжруулсан түлш хэрэглэгч 200 мянга орчим өрхийн 700 мянга гаруй иргэний эрүүл мэндийг хамгаалах, урьдчилан сэргийлэх, угаарын хийн хордлогод өртөж болзошгүй эрсдэлийн түвшний 63.600 гаруй айлын угаар мэдрэгчид дохиолол суурилж, Хэрэглэгчид үйлчлэх төвөөс 24 цагаар хянах юм. Мөн монгол инженерийн зохион бүтээсэн яндан хөөлөх автомат технологийг нэвтрүүлж, айл өрхийн хэрэглээнээс гарах үнсийг дахин боловсруулах боломжтой болжээ.

2019-2020 оны галлагааны улиралд 900 гаруй өрхийн 2970 хүн, 2020-2021 онд 350 гаруй өрхийн 786 хүн, энэ оны 9 сарын байдлаар 20 гаруй өрхийн 44 хүн угаарт өртсөн нь өмнөх оны мөн үеүдийнхтэй харьцуулахад багассан үзүүлэлт юм.

Аяны хүрээнд гэр хорооллын айл бүрийг яндан хөөлөх, зөв галлах, угаарын хийн мэдрэгчтэй холбоотой зөвлөгөө, мэдээллээр хангаж, зорилтот бүлгийн айл өрхийн янданг хөөлөх, засвар үйлчилгээ үзүүлнэ. Мөн хотын төвийн зарим хороодыг жишиг байдлаар сонгон авч, сайжруулсан түлшний үнсний хаягдлыг барилгын материал болон зам талбайд дахин ашиглахаар турших аж.    

Гэр хорооллын айл өрхийг сүүлийн 2 жил сайжруулсан түлшээр хангаж байгаа. Ингэснээр Улаанбаатар хотын агаар дахь бохирдуулагч бодис ялангуяа тоос, тоосонцорын хэмжээ 40-50 хувиар багасчээ.

Хуваалцах



Тод тусгал

Холбоотой

Covid-19: Нийслэлийн иргэдийн 15 хувь нэмэлт гуравдугаар тунд хамрагджээ

Нийслэлийн хэмжээнд коронавируст халдварын эсрэг вакцины 1-р тунд 100, 2-р тунд 367, нэмэлт сэргээх тунд 1518 хүн, нийт 1985 иргэнийг өчигдөр вакцинжуулжээ.Вакцинжуулалт эхэлснээс хойш нийслэлийн нийт хүн амын 74.5 хувь нь 1-р тун, 70.5 хувь нь... Дэлгэрэнгүй

— Ч. Баяржаргал   18 цагийн өмнө

Энэ сард багтаан 1500 тн АИ-92 бензин авахаар болов

УУХҮЯ, мэргэжлийн холбоо, шатахуун импортлогч компанийн төлөөллүүд шатахууны хангамж, нийлүүлэлт, хамтын ажиллагааны талаар “Роснефть” компанийнхантай уулзлаа.Уулзалтаар шатахууны нийлүүлэлттэй холбоотой эерэг нааштай үр дүн гарч... Дэлгэрэнгүй

— Ч. Баяржаргал   19 цагийн өмнө

Санал болгох

Нийслэлийн ой нь түймэрт өртөх “АЮУЛТАЙ” ангилалд ордог

Монгол улсын нийт газар нутгийн 8 хүрэхгүй хувьд ой мод байдаг. Энэ хувь хэмжээ жил ирэх тусам багассаар байна. Ой мод устаж үгүй болж буйн шалтгааны 90 гаруй хувь нь хүний буруутай үйл ажиллагаа гээд бодохоор үнэхээр харамсалтай. Дэлгэрэнгүй

— Ч.Баяржаргал   12 цагийн өмнө

Спортын тэмцээнийг эхний ээлжид “Хариуцлагын гэрээ” байгуулж зохион байгуулахыг зөвшөөрөв

Хотын Захирагч спортын холбоодын төлөөлөлтэй уулзлаа. “Ковид-19” цар тахлын улмаас үйл ажиллагаа нь хумигдаж, олон хүн ажилгүй, орлогогүй болсноос гадна энэ нь тамирчдын амжилтад ч нөлөөлж байгааг спортын холбоодын төлөөлөл онцолсон. Дэлгэрэнгүй

— Ч.Баяржаргал   17 цагийн өмнө