2017/12/18. Даваа гараг Дугаар: #669

ДЭЛХИЙН АНИР

Сансарт жуулчин илгээх өрсөлдөөн

— Т.Наранцэцэг   2017 оны 11 сарын 27

Их Британийн тэрбумтан Ричард Брэнсоны “Virgin galactic” компани сансрын аялал жуулчлалын үйлчилгээ үзүүлэх анхны компани болон байгуулагдаж, сансарт аялах хөлөг бүтээж байсан юм. Харамсалтай нь тус компанийн нэг хөлөг осолдсон нь сансарт аялах олон хүний хүсэлд хязгаар тавьж байв. Гэхдээ тус компани дахин шинэ туршилтууд хийж, энэ салбарт хүч үзэхээр судалгаа шинжилгээгээ үргэлжлүүлсээр байгаа билээ.

Харин сансрын аялал жуулчлал эхлүүлэхээр сүүлийн хэдэн жил тууштай ажиллаж байгаа АНУ-ын SpaceX компани ирэх жил сансарт хоёр жуулчин илгээх төлөвлөгөөтэй байгаа тухайгаа мэдээлжээ. Алдарт Элон Маскын компанид итгэн төлбөрөө төлсөн гэх хоёр жуулчны нэр одоогоор зарлагдаагүй байгаа боловч Элон Маск тэднийг “Холливудынх биш” хэмээн тодотгосон байна. SpaceX компанийн сайжруулсан "Dragon 2" хэмээх автомат жолоодлоготой сансрын хөлгөөр аялах АНУ-ын 2 жуулчин долоо хоногийн турш сарыг тойрч нисэхээр төлөвлөгдсөн бөгөөд аялал 500-650 мянган километр зайг туулах гэнэ.

Тэгвэл ОХУ-ын сансрын корпораци болох “Роскосмос” ч сансарт жуулчин илгээхээ хэдхэн хоногийн өмнө мэдэгдсэн юм. Тус компани 2019-2021 онд сансарт аялал зохион байгуулахаар төлөвлөсөн. Энэхүү онцгой аяллын төсөл одоогоор яриа хэлэлцээрийн түвшинд яваа учир дэлгэрэнгүй мэдээлэл өгөх болоогүй гэжээ. Тус компани сансрын аяллын хөтөлбөртөө АНУ зэрэг гадны түншүүдтэйгээ хамтарсан брэнд гаргаж магадгүй гэдгээ хэлсэн байна.

Хуваалцах



ТУСГАЙ ЗОЧИН

Судлаач Т.Чимэдцэрэн: Америк хүн тэрбум 200 саяар үнэлэгдэж байхад монгол хүн 10 дахин бага үнэлгээтэй

ХААИС-ийн ЭЗБС-ийн Менежментийн тэнхимийн багш, докторант Т.Чимэдцэрэн урд өмнө нь манайд дорвитой яригдаж байгаагүй монгол хүний үнэлэмжийн чиглэлээр цоо шинэ судалгаа хийжээ. Иргэнээ үнэлдэг, хүн төвтэй бодлого барьдаг хөгжингүй орнуудын жишгээс бид юуг суралцах шаардлагатай, манайд ямар асуудал тулгараад байгаа талаар түүний ярилцлага олон шинэ мэдээллийг өгөх болно.

— П.Хангал   2017 оны 12 сарын 12

Холбоотой

27 настай Омар Бин Султаны удирдах Хиймэл оюун ухааны яам

Арабын Нэгдсэн Эмират Улс засгийн газрын бүтцээ танаж, яамдын тоог цөөлөн, төрийн зарим чиг үүргийг хувийн хэвшлийнхнээр гүйцэтгүүлнэ хэмээн өнгөрөгч хоёрдугаар сард мэдэгдэж байсан юм. Дэлгэрэнгүй

— Т.Наранцэцэг   2017 оны 12 сарын 12

Роботуудын эрин: Нэг дрон 100 хүний хийх ажлыг нугалж байна

Өмнө нь хүмүүс бидний хийдэг байсан ажлыг орчин үед нисдэг дронууд буюу алсын удирдлагатай нисэх төхөөрөмжүүд хийж, гүйцэтгэдэг болсон нь роботуудын эрин үе эхэлж, хүмүүс ажлын байраа тэдэнд алдаж эхэлсний хамгийн энгийн жишээ болж байна. Дэлгэрэнгүй

— Б.Түвшинбаяр   2017 оны 11 сарын 01

Санал болгох

“Монголын нууц товчоо” 30 гаруй хэлээр орчуулагдан хэвлэгдээд байна

 “Дэлхийд  түгсэн Монголын нууц товчоон” бүтээл нь монгол түмний оюуны соёлын нандин сурвалж дэлхий дахинд хэрхэн түгсэнийг баримтаар харуулаад зогсохгүй “Монголын нууц товчоон”-ны судалгааг шинэ шатанд гаргах... Дэлгэрэнгүй

— Д.Урангоо   2017 оны 12 сарын 12

Жил бүр 6 сая хүн тамхинаас болж амиа алддаг

Өнөөдөр дэлхий дахинаа хэрэглэж байгаа хүмүүсийнхээ тал хувийг үхэлд хүргэдэг. Одоогийн байдлаар дэлхий дээр нэг тэрбум гаруй хүн тамхи татаж байгаа бөгөөд жил болгон 6 сая гаруй хүнийг үхэлд хүргэж байна. Дэлгэрэнгүй

— Ж.Гантулга   2017 оны 11 сарын 24


Тусгалын Технологи болон дизайны түнш: Batu Digital