2024/07/24. Лхагва гараг Дугаар: #3079

СЭТГЭЛИЙН ДАРХЛАА

СЭМҮТ: Иргэдийг сэтгэл зүйн сорил, оношилгоонд хамруулж зөвлөгөө мэдээлэл өгч байна

— Ч.Баяржаргал   2024 оны 05 сарын 22

Эрүүл мэндийн яам, лавлагаа шатлалын болон нийслэлийн эрүүл мэндийн байгууллагууд хамтран “Нийгмийн эрүүл мэндийг дэмжих жил-2024” өдөрлөгийг өнөөдөр Сүхбаатарын талбайд зохион байгуулж байна.

Сэтгэцийн эрүүл мэндийн үндэсний төвийн асарт иргэд, үйлчлүүлэгчдийн хөл тасрахгүй оочер ихтэй байгаа харагдав. Тус төвийн Мансуурал хариуцсан мэргэжилтэн Э.Хонгорзулаас өдөрлөгт ямар чиглэлээр оролцож буй талаар нь тодрууллаа. 

Тэрбээр, Уг өдөрлөгт СЭМҮТ-ийн эмч, мэргэжилтнүүд сэтгэл зүйн сорил, оношилгоонд иргэдийг хамруулж, сэтгэцийн эрүүл мэндээ хамгаалах, урьдчилан сэргийлэх талаар мэдээлэл, зөвлөгөө өгч байна. Мөн СЭМҮТ-өөс эрхлэн гаргадаг ном, судалгааны тайлан, мэргэжилтнүүдэд зориулсан гарын авлагууд, “Хүчирхийлэл”, “Амиа хорлолт”, “Сэтгэцийн эмчгүй газар” зэрэг номнуудыг танилцуулж байгаа бол иргэд олон нийтэд зориулан сэтгэл гутрал, архаг ядаргаа, стресс, дэлгэцийн донтолт, архины донтолт гэх мэт сэдвүүдээр бэлтгэсэн тараах материалыг өгч, ямар үед ямар арга хэмжээ авах талаар зөвлөгөө өгч байна" гэлээ. 

СЭМҮТ-ийн асарт ирсэн иргэд утаснаасаа дараах qr кодыг уншуулан СЭМҮТ-ийн вэбсайтад байрлуулсан сэтгэл зүйн тестүүдийг бөглөх боломжтой бөгөөд шаардлагатай хүмүүст хэвлэмэл байдлаар сорилуудыг өгч, зөвлөн ажиллаж байгаа аж. 

Тухайлбал, стрессийн түвшин тогтоох, сэтгэл гутрал, сэтгэл түгшилтийн түвшин тогтоох, архи, тамхины хамаарал байгаа эсэх сэтгэл зүйн олон төрлийн сорилыг иргэд өөрсдөө бөглөж үүний дагуу сэтгэцийн эмч нараас зөвлөгөө чиглэл авах боломжтой юм. Эдгээр сорилууд нь эцсийн онош биш учраас үр дүнгээс нь шалтгаалж ямар тусламж үйлчилгээ авах талаар чиглүүлэг болдог гэдгийг онцлон дурдав. 

Сэтгэцийн эрүүл мэндийн үндэсний төвийн 1800-2000 утсаар холбогдон иргэд аль ч цаг үед сэтгэл зүйн зөвлөгөө, тусламжийг мэргэжлийн сэтгэцийн эмчээс авах боломжтой. 


Хуваалцах



Тод тусгал

“Шинэ Монгол” сургуулийг үүсгэн байгуулагч Ж.Галбадрах: Бусдад туслах сайхан сэтгэлээс аз жаргал үүддэгийг санаарай

”Эглийн эгэл их хүмүүн”. Гавьяа шагнал, гашуун нялуун үгсийн аль нь ч энэ хүнд эрхэм биш. Шинэ Монгол сургуулийг үүсгэн байгуулагч, Монгол Улсын Гавьяат багш Ж. Галбадрах захирлыг магтаж эсвэл танилцуулж ярилцлагыг нь эхлүүлбэл ерөөсөө утгагүй... Түүний 60 насны хөдөлмөр маш том ирээдүйг онилж, маш тод жим гаргах атлаа тун чимээгүй өрнөж буйг дуулгаж ярилцлагаа эхлүүлье.

— Б.Батцэцэг   2024 оны 04 сарын 18

Холбоотой

Сэтгэл зүйн хэрэгцээ нь хангагдсан хүүхэд “сэтгэл гутрал”-д өртөх эрсдэл бага, амьдрах чадвар сайтай хүн болдог

 “Сэтгэлийн дархлаа” сэтгэл зүйн ярилцлагын булангаараа энэ удаа хүүхдийн сэтгэл зүйн хэрэгцээ юу болох, түүнийг хэрхэн хангах, сэтгэл зүйн хэрэгцээ нь хангагдаагүй хүүхдэд ямар асуудал бэрхшээл тулгардаг, хүүхдээ өсгөн... Дэлгэрэнгүй

— Ч.Баяржаргал   2024 оны 05 сарын 31

Уураа барьж дийлэхгүй, сөрөг сэтгэл хөдлөл нэмэгдсэн бол нойрны хэмнэлээ анзаараарай

Гурван хүн тутмын нэг нь нойргүйдэлтэйДэлхийн нийт хүн амын 17 хувь нь нойрны асуудалтай байсан. Харин цар тахал, хөл хорио зэрэг нөхцөл байдлын улмаас сүүлийн 2-3 жилийн хугацаанд нойрны асуудалтай хүмүүсийн хувь 38 болж өсчээ. Дэлгэрэнгүй

— Ч.Баяржаргал   2024 оны 05 сарын 21

Санал болгох

Хурдан морьдын шүдлэгээ хийх, сэрвээ хэмжихэд малын эмч нарыг оролцуулахгүй

Үндэсний их баяр наадмыг зохион байгуулах хорооны ажлын хэсэг  Хүй долоон худаг дахь наадмын бэлтгэл ажлын явцыг шалгалаа. Баяр наадмын үеэр Хүй долоон худагт Соёлын наадам болохоос гадна жуулчид, наадамчин олонд зориулсан төрөл бүрийн... Дэлгэрэнгүй

— Ч.Баяржаргал   2024 оны 07 сарын 08

Наадмын тасалбар авч чадаагүй иргэд зориулан цэнгэлдэхийн гадна том дэлгэцээр шууд дамжуулна

Үндэсний их баяр наадмын бэлтгэл ажлын хүрээнд Төв цэнгэлдэх хүрээлэнгийн гадна, дотор талбайг үндсэн хоёр хэсэгт хуваан засварлаж байна. Дэлгэрэнгүй

— Ч.Баяржаргал   2024 оны 07 сарын 08