2023/11/29. Лхагва гараг Дугаар: #2841

СЭТГЭЛИЙН ДАРХЛАА

0-6 насанд хүний амьдралын 70-80 хувийн тархины хөгжил бий болчихсон байдаг

— Ч.Баяржаргал   2023 оны 08 сарын 24

Ээнэгшил

Ээнэгшил гэдэг үг нь “attachment” буюу хоёр хүн бие биендээ дасан зохицох, хүлээн зөвшөөрөх гэсэн утгаар тайлбарлагддаг. Дасан зохицох нь аюулгүй мэдрэмжтэй шууд холбоотой. Арай өргөн хүрээнд авч үзвэл ээнэгшил нь бие биендээ “аюулгүй” мэдрэмж өгч, түүгээрээ дамжуулан хайрыг хүртэх, хүртээх гэсэн хоёр мэдрэмжийг бие биедээ өгч сэтгэл зүйн хэрэгцээ болон сэтгэл зүйн хөгжлийг дэмжиж байдаг үйл явц юм. Дөнгөж төрсөн хүүхэд орчинтойгоо attachment хийхээсээ урьдаж ээжтэйгээ ээнэгшил үүсгэдэг.

Хангалттай ээнэгшиж чадаагүй хүүхдэд тулгардаг сэтгэл зүйн асуудал

Бүх юмыг аюултай гэж мэдэрдэг учраас аймхай төрлийн хүүхэд болох магадлал өндөр. Амьдралд жижигхэн өөрчлөлт гарах төдийд хүчтэй хариу үйлдэл үзүүлдэг. Эсвэл зугтах гэдэг ч юм уу, хэнэггүй байдлаар хариу үйлдэл үзүүлж ч болно. Шинэ зүйл суръя, сонирхъё гэсэн бодол төдийлөн төрдөггүй.

Хүүхэд хазах, зодох хэлбэрийн хамгаалах механизмтай хүүхдүүд байдаг даа. Тэдгээр хүүхдийн хувьд өөрийгөө яаж ийгээд хамгаалах ёстой л гэдэг өнцгөөс бүхнийг хүлээж авдаг тул суралцах процесс нь үргэлж л тэмцэх хэлбэр лүү шилжсэн байх магадлалтай байдаг. Ээнэгшил сайн байх тусам хүүхдийн тархи амгалан байж бүх зүйлийг ажиглаж, сонирхож оролдож үзэх хэлбэрээр хөгжил нь явагддаг.

Хүүхэд мэдрэмжээ  2 төрлөөр л илэрхийлдэг

Хүүхдийн хувьд таатай мэдрэмж байвал инээх эсвэл амгалан байна. Хэрэв хүүхэд таагүй мэдрэмжтэй байвал уйлна. Иймд их уйламхай хүүхдийн хувьд тухайн хүүхдийн мэдрэмж нь таагүй байгаа гэсэн үг юм.  Хүүхдээ уйлуулахгүй байх нь тархины хөгжилд хамгийн сайн гэж хэлж болно. Ээнэгшил сайн явагдаагүй бол хүүхдээ байнга аргадах хэрэгтэй болдог. 0-6 насанд нь сайн аргадчих юм бол уйланхай хүүхэд уйланхай биш болох боломжтой. 

0-6 насанд нь л эерэг ээнэгшлийг бий болгох боломжтой. Яагаад гэвэл энэ насанд хүний амьдралын 70-80 хувийн тархины хөгжил бий болчихсон, тархины анхны кодууд үүссэн байдаг. Энэ кодууд анх яаж бичигдэнэ тэр хэмжээгээр ертөнцтэй харилцана, бүх харилцаа, хүмүүсийг тэр кодоороо л хүлээж авч, шинээр орж ирэх мэдээллүүдийг ч тэрхүү кодын суурин дээр хүлээж авдаг. 0-6 нас бол хүүхдийн хамгийн чухал нас юм.

Ээнэгшил гэж юу вэ? Сайн ээнэгшилтэй хүүхэд ирээдүйд хэн болдог, сөрөг ээнэгшилтэй хүүхдэд ямар асуудлууд тулгардаг, хүүхдэдээ хэрхэн зөв ээнэгшил үүсэгэх талаар мэргэжлийн хүний зөвлөгөө мэдээллийг дэлгэрэнгүй хүргэхээр “Мета” сэтгэл судлалын хүрээлэнгийн Хүүхдийн сэтгэл зүйч Д.Пүрэвсүрэн хийсэн ярилцлагыг ЭНД ДАРЖ уншаарай. 

Хуваалцах



Тод тусгал

Холбоотой

Өсвөр үеийнхний сэтгэцийн эрүүл мэнд, амиа хорлолтоос урьдчилан сэргийлэх "Гэрэлт-Эргэлт" хөтөлбөр хэрэгжиж эхэллээ

Focus on the family байгууллагын Монгол дахь төлөөлөгч байгууллагаас өсвөр насны хүүхдийн сэтгэцийн эрүүл мэнд болон амиа хорлолтоос урьдчилан сэргийлэх “Гэрэлт-Эргэлт” цогц хөтөлбөрийг боловсруулан хэрэгжүүлж эхэллээ.ДЭМБ-ын... Дэлгэрэнгүй

— Ч.Баяржаргал   2023 оны 11 сарын 20

Судалгаа: 20-24 насны эхчүүд 4.7 дахин их сэтгэл гутралд өртдөг

ЭМЯ-ны Эрүүл мэндийг дэмжих сангийн санхүүжилтээр АУ-ны доктор, профессор Л.Насанцэнгэл, АУ-ны доктор Т.Ганцэцэг тэргүүтэй СЭМҮТ-ийн эмч эмнэлгийн мэргэжилтнүүд, дүүрэг, орон нутгийн эрүүл мэндийн ажилтан, сэтгэцийн эмч, мэргэжилтэн бүхий... Дэлгэрэнгүй

— Ч.Баяржаргал   2023 оны 11 сарын 07

Санал болгох

“Эрдэнэс Тавантолгой” ХК-ийн хувьцааг иргэдэд буцаан эзэмшүүлэх шаардлагагүй гэж үзэв

Улсын Их Хурлын Эдийн засгийн байнгын хорооны өнөөдрийн (2023.11.28) хуралдаанаар, “Иргэдээс худалдаж авсан “Эрдэнэс Тавантолгой” ХК-ийн хувьцааг иргэн бүрд буцаан эзэмшүүлэх тухай” Улсын Их Хурлын тогтоолын төслийн... Дэлгэрэнгүй

— Ч.Баяржаргал   9 цагийн өмнө

Гар хатаагч нь цаасан салфетка ашигласнаас1300 дахин их нян вирусыг гарт дамжуулах эрсдэлтэй

Халдварт өвчний 80 хувь нь хүрэлцэх замаар дамждаг. Тиймээс гараа бохирдсон даруйд нь 20 секундын турш савандаж угаах хэрэгтэй. Дэлгэрэнгүй

— Ч.Баяржаргал   10 цагийн өмнө