Улсын онцгой комиссоос мэдээлэл хийж байна. /2021.05.14 12:50 цаг/
Өнөөдрийн байдлаар нийслэлийн иргэдийн 95 хувь нь вакцины эхний тунд, 50 хувь нь давтан тундаа хамрагдаад байна. Мөн 26 хоногийн хатуу хол хорио үр дүнгээ өгч байгаа учир зарим ААН-үүдийн үйл ажиллагааг шат дараатай нээж байна.
89 төрлөөс 18 төрлийн үйл ажиллагаа хязгаарлагдмал байгаа. Эдгээрт эрсдэлийн үнэлгээ хийж 05 сарын 15 буюу маргаашнаас дараах 4 төрлийн үйл ажиллагааг нээж байна. Үүнд:
- Кофе шопууд 50 хувийн дүүргэлттэй танхимаар үйлчлэх,
- Бүх төрлийн сургалтын танхимууд 10 хүртэл хүнтэй ажиллах,
- Чийрэгжүүлэх, бялдаржуулах төв, иог заалны дүүргэлт 50 хувьтай,
- Бассейн 50 хувийн дүүргэлттэй үйл ажиллагаагаа нээхээр боллоо.
Ингэхдээ вакцины 2 тунгаа хийлгээд 14 хоносон болон халдвар авч өвчлөөд эдгэрсэн хүмүүсийн мэдээллийг шалгаж үйлчлэх юм. Ямар журам, заавар мөрдөгдөх талаар Улаанбаатар хотын засаг даргын зохицуулалт хэрэгжинэ.
Дараагийн ээлжинд буюу 05 сарын 22-оос орон нутаг хоорондын зорчих хөдөлгөөн, хоол үйлдвэрлэл үйлчилгээ, ресторан кафе, томоохон зах худалдааны төв, амралт жуулчны бааз гэр бүлийн хүрээнд үйлчлэх, зочид буудал зэрэг 6-7 төрлийн үйл ажиллагааг нээхээр төлөвлөж байгаа аж.