ЭМЯ-аас цар тахлын нөхцөл байдлын талаар цаг үеийн мэдээлэл хийлээ. /2021.05.14/

Улсын хэмжээнд сүүлийн 24 цагт хийсэн шинжилгээгээр 515 хүнээс коронавирусийн халдвар илэрчээ. Шинээр батлагдсан тохиолдлуудын 472 нь нийслэлд, 43 нь орон нутагт бүртгэгдсэн байна. 

Ингэснээр “COVID-19” халдварын батлагдсан тохиолдлын тоо 47.548 боллоо. Мөн 1049 хүн эмнэлгээс гарснаар, нийт эдгэрсэн хүний тоо  38.330 болжээ. Коронавируст халдвартай 45-89 насны 7 хүн өчигдөр нас барж,  нийт 200 хүн эндээд байна.  

Одоогийн байдлаар 4434 хүн эмчлүүлж байгаагаас 120 хүний биеийн байдал маш хүнд байна. Хөнгөн хэлбэрийн оноштой 4044 хүн гэрийн хяналтад эмчилгээ үйлчилгээ авч байгаа аж.