2022/10/06. Пүрэв гараг Дугаар: #2422

СЭТГЭЛИЙН ДАРХЛАА

Шүдний эмч, эмнэлэгт очих тухай төсөөлөхөд л дотор арзасхийх буюу "дентофоби"

— Ч.Баяржаргал   2022 оны 09 сарын 20

Шүдний эмчид үзүүлэхээс айж, түгшдэг үү? Шүдний эмнэлгээс эмээх, айх айдсыг өөрөөр Dental phonia буюу дентофоби гэдэг аж.

Зарим хүн энэхүү фобиноосоо болоод шүдээ эмчлүүлэхийн оронд шууд л өвчин намдаадаг тариа хийгээд л суга татчих гэж эмчээс хүсдэг. Гэтэл лац ломботой ч гэлээ тоо ёсоор нь бүрэн бүтэн шүдтэй байх нь амны хөндийн болон бие махбодын эрүүл мэндэд маш чухал. 

Нэлээд хэдэн жилийн өмнө бол зарим шүдний эмнэлэгт үзүүлж, аймшигтай өвдөлт мэдэрнэ гэхээс үнэхээр айдас хүрмээр байсан байж болох юм. Харин одоо бол байдал өөрөөр эргэсэн. Иймд эхлээд яг юунаас айгаад байгаагаа тодорхойлох хэрэгтэй байх.

Шүдний эмчид үзүүлж байгаа хүмүүс өвдөлтөөс хамгийн их айдаг. Тэгэхээр тариулах, шүдээ ломбодуулахаас бус харин тэдгээрийг үүсгэж болзошгүй өвдөлтөөс айж байгаа хэрэг юм.

Хэрэв та дентофобитой тэгээд эмчлүүлэхгүй бол ямар хүндрэл үүсэх эрсдэлтэй вэ? Заавал эмчлүүлэх дараах шалтгааныг харгалзаж үзээрэй. 

  • Шүдний цоорол, мэдрэлийн үрэвсэл үүсэх,
  • Шүдний тулгуур эдийн өвчин, шүдгүйдэлтэй нүүр тулах, 
  • Шүдний өнгөний өөрчлөлт, бусад асуудлууд нь хүмүүстэй харилцахад саад учруулах, хувь хүний өөртөө итгэх итгэл буурах шалтгаан болно. 
  • Амны хөндийн өвчин эмгэг нь биеийн бусад өвчнүүдийн шалтгаан болсноор зүрх судас, элэг бөөр, үе мөч, уушгины архаг өвчнүүдийг үүсгэдэг. Тиймээс та энэхүү айдас түгшүүрээ даван туулж амны хөндийн болон биемахбодын эрүүл мэндээ хамгаалаарай. 

Дентофобиг хэрхэн эмчлэх вэ?

  • Дентофоби нь сэтгэцийн бусад төрлийн эмгэгүүдийн адил эмчлэх боломжтой зүйл. 
  • Хэрэв дээрх айдас, түгшүүр танд мэдрэгдэж байвал аль болох эрт эмчлүүлэх нь зүйтэй. Сэтгэл зүйчийн дэмжлэгтэйгээр шүдний эмнэлгийн анхан шатны тусламж авахыг хичээх хэрэгтэй. 
  • Энэ төрлийн фобитой хүмүүс бусад хүнээс илүү амархан өвдөлтийг мэдэрдэг. Эдгээр хүмүүсийг үзэхдээ өвчин намдаах эм, тайвшруулах эм хэрэглэхийн зэрэгцээ хэсгийн мэдээ алдуулалт хийх нь зүйтэй.

Эх сурвалж: СЭМҮТ

Хуваалцах



Тод тусгал

Холбоотой

5-19 насны 2 хүүхэд тутмын нэг нь гар утас, компьютер, дэлгэцийн тоглоом тогтмол тоглож байна

2020-2021 оны (ОҮБТС+)-аас 5-19 настай хүүхдүүдийн 49.8 хувь буюу 2 хүүхэд тутмын 1 нь гар утас, компьютер болон дэлгэцийн тоглоом тогтмол тоглодог гэсэн үр дүн гарчээ.Дэлгэцийн тоглоом тогтмол тоглодог хүүхдүүдийг насны бүлгээр ангилж... Дэлгэрэнгүй

— Ч.Баяржаргал   2022 оны 09 сарын 21

35-аас доош настай, эмэгтэй, гэрлээгүй, 1 сая хүртэл орлоготой хүмүүс сэтгэцийн тулгамдсан асуудалд илүүтэй өртжээ

Медик сэтгэцийн эрүүл мэндийн байгууллагаас “Хүүхэд насны сэтгэлийн гэмтэл, насанд хүрсэн үеийн сэтгэцийн тулгамдсан асуудлуудын тархалт, түүнд нөлөөлж буй хүчин зүйлс болон сэтгэлийн гэмтэл үүсгэж буй үйл явдлуудын хамаарал”-ыг... Дэлгэрэнгүй

— Ч.Баяржаргал   2022 оны 09 сарын 16

Санал болгох

Алимны цууг өдөрт 2 халбаганаас илүү хэмжээгээр хэрэглэхгүй байхыг зөвлөжээ

Алимны цуу өөх сайн хайлуулж, хорт бохирдлыг хөөнө гэх мэдээлэл нь бүрэн бус юм. Японы Биошинжлэх ухаан, биотехнологи, биохимийн сэтгүүлд нийтлүүлсэн судалгааны ажилд дараах үр дүнд хүрсэн тухай бичжээ. Дэлгэрэнгүй

— Ч.Баяржаргал   1 цагийн өмнө

Намрын улиралд сонгино, архи хэрэглэхийг цээрлэнэ

Жилийн дөрвөн улиралтай манай орны хувьд цаг улиралтайгаа уялдуулан идээ ундаагаа сонгох, явдал мөрөө зохицуулах нь эрүүл мэндэд зайлшгүй чухал юм.Анагаах ухааны сурвалж бичигт “Амттай шимтэй идэш уушинд хэтэрхий шунахайран цээрлэлийг... Дэлгэрэнгүй

— Ч.Баяржаргал   2 цагийн өмнө