Монгол Улсын Их хурлын ээлжилт сонгуулийн сурталчилгаа 2024 оны 06 дугаар сарын 10-ны өдөр эхэлсэн. Сурталчилгаа энэ сарын 26-ныг дуустал үргэлжлэх юм. 

Энэ удаагийн сонгууль олныг төлөөлөх болон хувь тэнцүүлэн сонгох  холимог тогтолцоогоор явагдаж байгаа бөгөөд 13 тойргоос 78 гишүүн, жагсаалтаас 48 гишүүн нийт 126 гишүүн сонгогдоно. 

Та өөрийн амьдарч буй аймаг, дүүрэг, сум хороог аль тойрогт багтсан, хэдэн мандаттайг дараах хүснэгтээс харна уу. 

Дээрх 13 тойрогт нийт 966 нэр дэвшигч өрсөлдөж байна. Үүний 65 хувь нь эрэгтэй, 35 хувь нь эмэгтэй нэр дэвшигч байна. Харин жагсаалтад 370 нэр дэвшигч байгаа бөгөөд 50 хувь нь эрэгтэй, 50 хувь нь эмэгтэй дэвшигч байна.

Иргэн сонгогч та 2024.06.28-ны өдөр Улаанбаатарын цагаар 7:00 - 22:00 цагийн хооронд саналаа өгнө. Иймд сонгогч та сонгуулийн сурталчилгааны хугацаанд сонгуулийн тогтолцоо, тойрог, мандатын тоог судалж мэдэн сонголтоо зөв хийхийг зөвлөж байна. 

САНАЛ ӨГӨХ, ТЭМДЭГЛЭХ ЗААВАР

Сонгогчийн лавлах: 1800-2800 утаснаас дэлгэрэнгүй мэдээлэл аваарай. 

Түүнчлэн энэ жилийн сонгуулийн саналын хуудсыг нэр бүрчлэн гараар тоолох юм.