Дэлхий дахинаа хүүхэд, өсвөр насныхны 20% нь сэтгэц, зан үйлийн эмгэгтэй байгаа судалгаа гарчээ. Сэтгэцийн ихэнхи эмгэг хүүхэд, өсвөр насанд эхлэн илэрдэг болохыг ДЭМБ-аас тодорхойлсон байдаг. 

Манай улсад өсвөр насныхны сэтгэл хөдлөл, зан үйлийн илрэлүүд, тэдгээрийн тархалт, түүнд нөлөөлж буй зарим хүчин зүйлс, эмгэгт өртөх ба өвчлөх эрсдэлт хүчин зүйлс, эмнэлзүйн шинжүүдийг судлах зорилгоор СЭМҮТ-ийн дэд захирал АУ-ны доктор В.Баярмаа 2013-2017 оны хооронд судалгааг хийсэн. 

Судалгаанд хот, хөдөөгийн нийт 2250 хүүхэд, 1959 эцэг эх, асран хамгаалагч, 72 анги удирдсан багшийг хамруулан судалжээ. 

Судалгааны дүнгээс харвал, 

• хөвгүүдэд анхаарал дутмагшил - хэт хөдөлгөөнтөх ба зан үйлийн өөрчлөлт (компьютер тоглох, худал ярих, хулгай хийх, зодолдох), 
• охидод сэтгэл хөдлөлийн өөрчлөлт (сэтгэлээр унах, гуниглах, сэтгэл түгших), нийтэч зан давамгайлж байна.
• Анхаарал тогтворгүй байх 47.5%, нойр хямрах 15%, толгой өвдөх 15% зэрэг бусад шинжүүд түгээмэл илэрчээ. 

Мөн нийт судалгаанд хамрагдсан өсвөр насны хүүхдүүдийн 30.5 хувь буюу гурван хүүхэд тутмын нэг нь сэтгэцийн тулгамдсан асуудалтай, 9 хувь эмгэг өөрчлөлттэй байна. Судалгааны дэлгэрэнгүй мэдээллийг СЭМҮТ-ийн номын сангаас авах боломжтой. 

Хүүхэд өсвөр үеийнхэнд чиглэсэн ярилцлага, мэдээлэл, зөвлөгөөг дараах линкүүдээр уншаарай. 

1. СЭМҮТ-ийн Хүүхэд, өсвөр үеийн клиникийн эрхлэгч Л.Цэрэндолгортой "Анхаарал дутмагшил, хэт хөдөлгөөнтөх эмгэг" -ийн талаар ярилцсан ярилцлагыг дараах линкээр уншаарай: http://www.tusgal.mn/olnii-tanil-oddiig-khurtel-khamarsan-adkhkh-uwchnii-talaarkh-mergejliin-khunii-yaria

2. Өсвөр насныхны сэтгэл санааг дэмжих зургаан арга: http://www.tusgal.mn/uswur-nasniikhan-setgel-sanaagaa-demjikh-zurgaan-arga

3. АШУҮИС-ийн багш, СЭМҮТ-ийн эмч, АУ-ны докторант Р.Энхтүвшинтэй "Амиа егүүтгэл" -ийн талаар хийсэн ярилцлага: http://www.tusgal.mn/r-enkhtuwshin-khuukhdiinkhee-umnuus-shiidwer-gargakh-ni-buruu

БИЧЛЭГ ҮЗЭХ: