ЭМЯ-аас цар тахлын нөхцөл байдлын талаар цаг үеийн мэдээлэл хийж байна. /2021.04.06/
Сүүлийн 24 цагт улсын хэмжээнд 23 лабораторид хийсэн PCR шинжилгээгээр 831 хүнээс коронавирусийн халдвар илэрлээ. Энэ нь коронавируст халдвар дотоодод гарснаас хойш нэг өдөр бүртгэгдсэн хамгийн олон тохиолдол болж байна.
Тодруулбал, нийслэлд халдварын 731, аймаг, орон нутагт 99 тохиолдол бүртгэгдсэн бол нэг хүн эмнэлгээс шалтгаалсан халдвар авчээ.
Өнөөдрийн байдлаар манай улсад коронавируст халдварын нийт батлагдсан тохиолдол 11,651 болж байна. Үүнээс сүүлийн 24 цагт 79 хүн эдгэрч, нийт 6010 хүн эдгэрээд байна. Одоогоор 2480 хүн эмчүүлж байгаагаас хүндэвтэр 279, хүнд 60, маш хүнд 11 хүн байна. Бусад хүний биеийн байдал хэвийн эмчилгээ үргэлжилж байгаа аж.
Мөн өчигдөр дахин нэг хүн коронавируст халдварын улмаас нас барж, манай улсад "COVID-19"-ийн улмаас нас барсан хүний тоо 13 бүртгэгдлээ.