Эрүүл мэндийн яамнаас цар тахлын нөхцөл байдлын талаар мэдээлэл хийлээ. /2021.05.04/
Сүүлийн 24 цагийн хугацаанд улсын хэмжээнд хийсэн PCR шинжилгээгээр 1015 хүнээс коронавирусийн халдвар илэрчээ. Шинээр батлагдсан тохиолдлуудын 895 нь нийслэлд, 103 нь орон нутагт, эмнэлгээс шалтгаалсан нэг халдвар бүртгэгджээ. Мөн гадаадаас зөөвөрлөгдсөн 16 тохиолдол илэрсэн байна. Тодруулбал, Энэтхэг - Улаанбаатарын онгоцоор 04 сарын 26-ны өдөр ирсэн Энэтхэг улсын 16 иргэн коронавирусээр халдварласныг давтан шинжилгээгээр баталгаажуулжээ. Эдгээр хүмүүс Дорноговь аймагт тусгаарлагдан эмчлүүлж байгаа аж.
Ингэснээр манай улсад “COVID-19” халдварын тохиолдлын тоо 40,396 боллоо. Үүнээс 24,333 хүн эдгэрээд байна.
Сүүлийн 24 цагт 1401 хүн эдгэрчээ. Үүний 418 нь эмнэлгээс, 983 нь гэрийн ажиглалтад эмчлэгдэж эдгэрсэн байна. Түүнчлэн коронавируст халдварын улмаас 57-83 насны 7 хүн өчигдөр нас барж, нийт 126 нас баралт бүртгэгдлээ.
Одоогийн байдлаар 4869 хүн эмнэлэгт, 8214 хүн гэрээр тусгаарлагдан эмчлэгдэж байна. Хэвтэн эмчлүүлж байгаа 121 хүний биеийн байдал маш хүнд байна.