"Ковид-19" цар тахал гарснаас хойш дэлхийд номын борлуулалт нэмэгджээ. Урт хугацааны хөл хорионд хүмүүс ном уншихад илүү их цаг гаргах болсон нь ийм үр дүнг авчирсан байна. 

Тухайлбал, 2020 онд Англид 202 сая орчим ном худалдаалагджээ. Энэ нь 2012 оноос хойш 200 сая давсан борлуулалт хийгдсэн анхны тохиолдол болжээ. 

АНУ-д ч мөн сайн үр дүн гарсан бөгөөд номын борлуулалт огцом өсч 751 сая хүрсэн нь 2009 оноос хойших хамгийн өндөр үзүүлэлт аж. 

Зохиолч, комедиан, хөтлөгч Робин Инс хэлэхдээ, "Ковидын хөл хорио номын борлуулалтад сөргөөр нөлөөлөх болов уу гэтэл эсэргээрээ номын үнэ цэнийг илүү харуулж чадсан цаг үе болж байна" гэсэн юм. Цаашид ч номын худалдан авалт улам өсөх хандлагатай байна. 

Хүмүүс цахим орчноос мэдээлэл авахаас илүүтэй цаасан хэвлэл, ном унших байдал нэмэгдэж байгаа нь сайшаалтай. 

Эх сурвалж: BBC