2022/10/06. Пүрэв гараг Дугаар: #2422

СЭТГЭЛИЙН ДАРХЛАА

Төрсний дараах сэтгэл зүйн хямрал буюу Baby blue гэж юу вэ?

— Ч.Баяржаргал   2022 оны 08 сарын 16

Төрсний дараах сэтгэлзүйн хямрал буюу Baby blue гэж юу вэ?

Төрсний дараах сэтгэлзүйн хямрал анхлан төрж буй эмэгтэйчүүдэд илүүтэйгээр илэрдэг бөгөөд нийт төрсөн эмэгтэйчүүдийн 70-80 хувьд нь тохиолддог байна. Энэ хямрал нь төрсний дараах эхний өдрөөс эхлэн 2 долоо хоногийн хугацаанд үргэлжилдэг. Сэтгэл зүйн хямрал нь ихэвчлэн төрсний дараах 4-5 өдрийн дараа эхлэх боловч хүндрэлтэй төрсөн эхчүүдэд эрт илэрч болно.

Сэтгэлзүйн хямрал нь 14 хоногоос дээш хугацаанд үргэлжилбэл энэ нь төрсний дараах сэтгэл гутралын эхлэл байж болох юм.

Жирэмсэн байх хугацаанд цусанд эм бэлгийн даавар буюу эстроген, прогестрон байнга өндөр хэмжээнд байдаг ба төрсний дараа дааврын хэмжээ гэнэт буурснаас сэтгэлзүйд дараах өөрчлөлтүүд гарч болдог. Дааврын зохицуулга нь 7-14 хоногт хэвийн байдалдаа буцаж ордог тул сэтгэлзүйн хямрал нь эмгүйгээр засагддаг байна.

Шинж тэмдгүүд: 

  • Шалтгаангүйгээр уйламхай болох
  • Тэвчээргүй байх
  • Уур уцаартай болох
  • Сэтгэл түгших
  • Тайван бус болох
  • Уйтгар гунигт автах
  • Сэтгэл санаа тогтворгүй
  • Анхаарал төвлөрөлт буурах

Зөвлөгөө:

  • Төрөх үед эмэгтэй хүн олон цагаар өвдөж, маш их эцэж туйлддаг. Иймээс маш сайн амрах, нойроо хангалттай  сайн авах,
  • Илчлэг, амин дэмээр баялаг хоол хүнс хэрэглэн алдагдсан энерги хүч тэнхээгээ олж авах,
  • Төрсний дараах хугацаанд нөхөр, гэр бүлийнхний тусламж, дэмжлэг хамгийн чухал байдаг. Ялангуяа анхлан төрж байгаа ээжүүдэд хүүхэд асрах туршлагагүй байдаг учир гэрийн ажил, хүүхэд салхилуулах, усанд оруулах, төрсөн ээжийг хангалттай унтуулахад тусламж хэрэгтэй болох нь ойлгомжтой.
  • Дотны найзуудтайгаа үргэлж холбоотой байж, сэтгэл санааны байдлаа хуваалцан ярилцах нь хамгийн эхний алхам гэдгий бүү мартаарай. Ингэж чадвал төрсний дараах сэтгэлзүйн хямралыг хялбархан даваад гарах болно.
  • Хэрэв та төрсний дараах сэтгэлзүйн асуудлаа бие даан шийдвэрлэж чадахгүй байвал мэргэжлийн сэтгэцийн эмчид хандан зөвлөгөө аваарай.

Жирэмслэлт гэдэг эмэгтэй хүний хувьд бие махбод болон сэтгэл зүйн олон өөрчлөлтийг бий болгодог эмзэг нандин үе юм. Судалгаагаар гурван ээж тутмын нэг нь сэтгэл гутралд өртдөг гэжээ. Тиймээс жирэмсэн үедээ болон төрсний дараах сэтгэл зүйн хямралаа хэрхэн даван туулах, сэтгэл гутралд өртөхөөс урьдчилан сэргийлэх талаар СЭМҮТ-ийн Сэтгэцийн эмч Б.Батцэцэгтэй хийсэн ярилцлагыг ЭНД ДАРЖ уншаарай.

 

Хуваалцах



Тод тусгал

Холбоотой

5-19 насны 2 хүүхэд тутмын нэг нь гар утас, компьютер, дэлгэцийн тоглоом тогтмол тоглож байна

2020-2021 оны (ОҮБТС+)-аас 5-19 настай хүүхдүүдийн 49.8 хувь буюу 2 хүүхэд тутмын 1 нь гар утас, компьютер болон дэлгэцийн тоглоом тогтмол тоглодог гэсэн үр дүн гарчээ.Дэлгэцийн тоглоом тогтмол тоглодог хүүхдүүдийг насны бүлгээр ангилж... Дэлгэрэнгүй

— Ч.Баяржаргал   2022 оны 09 сарын 21

Шүдний эмч, эмнэлэгт очих тухай төсөөлөхөд л дотор арзасхийх буюу "дентофоби"

Шүдний эмчид үзүүлэхээс айж, түгшдэг үү? Шүдний эмнэлгээс эмээх, айх айдсыг өөрөөр Dental phonia буюу дентофоби гэдэг аж.Зарим хүн энэхүү фобиноосоо болоод шүдээ эмчлүүлэхийн оронд шууд л өвчин намдаадаг тариа хийгээд л суга татчих гэж... Дэлгэрэнгүй

— Ч.Баяржаргал   2022 оны 09 сарын 20

Санал болгох

Алимны цууг өдөрт 2 халбаганаас илүү хэмжээгээр хэрэглэхгүй байхыг зөвлөжээ

Алимны цуу өөх сайн хайлуулж, хорт бохирдлыг хөөнө гэх мэдээлэл нь бүрэн бус юм. Японы Биошинжлэх ухаан, биотехнологи, биохимийн сэтгүүлд нийтлүүлсэн судалгааны ажилд дараах үр дүнд хүрсэн тухай бичжээ. Дэлгэрэнгүй

— Ч.Баяржаргал   1 цагийн өмнө

Намрын улиралд сонгино, архи хэрэглэхийг цээрлэнэ

Жилийн дөрвөн улиралтай манай орны хувьд цаг улиралтайгаа уялдуулан идээ ундаагаа сонгох, явдал мөрөө зохицуулах нь эрүүл мэндэд зайлшгүй чухал юм.Анагаах ухааны сурвалж бичигт “Амттай шимтэй идэш уушинд хэтэрхий шунахайран цээрлэлийг... Дэлгэрэнгүй

— Ч.Баяржаргал   2 цагийн өмнө