2023 оны байдлаар жирэмсэн, төрөх, төрсний дараах үеийн хүндрэлийн 48.396 тохиолдол бүртгэгдэж, 1000 амьд төрөлтөд 752 ногдож байна. 

Нийт хүндрэлд: 

• Жирэмсэн үеийн хүндрэл 48.0 хувь 
• Төрөх үеийн хүндрэл 41.4 хувь 
• Төрсний дараах үеийн хүндрэл 2.3 хувь 
• Жирэмсэн, төрөхөөс үл хамаарах өвчний хүндрэл 8.4 хувийг тус тус эзэлж байна.

Төрөлхийн тэмбүүтэй нийт 31 тохиолдол бүртгэгдсэн нь өмнөх оноос 11 тохиолдлоор өссөн байна. 

Улаанбаатар хотод 19, Архангай 1, Дархан-Уул 1, Дорноговь 1, Завхан 2, Орхон 1, Өвөрхангай 1, Өмнөговь 3, Сүхбаатар 1, Хөвсгөл аймагт 1 тохиолдол тус тус бүртгэгдсэн байна.

Жирэмсэн эмэгтэйчүүдэд БЗДХ болон төрөлх тэмбүүтэй тохиолдол нэмэгдэж байгаа нь жирэмсэн эмэгтэйн тэмбүү өвчнийг эрт оношлох, эмчлэх журмын дагуу тусламж үйлчилгээний чанарыг сайжруулах хэрэгтэйг харуулж байна.

Эрүүл мэндийн салбарын албан ёсны статистик мэдээ тайланд тулгуурлан он, оны эрүүл мэндийн үндсэн үзүүлэлтүүдийг олон улсын аргачлалын дагуу тооцон, дүгнэлт хийж эмхэтгэн хүргэдэг. Энэхүү эмхэтгэл нь жил бүр салбарын үндсэн үзүүлэлтүүдийг эмнэлгийн тусламж үйлчилгээний шатлалаар, хүн амын өвчлөл болон нас баралтын тэргүүлэх шалтгаануудыг бус нутгаар тооцон харуулдаг байна.