21 аймгийн хамгаалалтын захиргаад 2023 он 6 сарын 5-аас эхлэн шинэ тасалбараар үйлчилнэ.
Байгаль орчин, аялал жуулчлалын сайдын 2023 оны А/71 дүгээр тушаалаар Тусгай хамгаалалттай газар нутаг /ТХГН/-т нэвтрэх хураамжийн хэмжээг шинэчлэн тогтоосон ба нэвтрэх нэг удаагийн тасалбарыг Welcome to Mongolia уриалгатай нийцүүлэн шинэчилсэн байна.
Иймд Горхи-Тэрэлжийн байгалийн цогцолборт газар болон Богдхан уулын дархан цаазат хамгаалалтын захиргаад журмын хэрэгжилтийг ханган, нийтэд сурталчлан таниулах ажлыг зохион байгуулж, бусад хамгаалалтын захиргаадад 6 дугаар сарын 5-аас эхлэн нэвтрэх тасалбарыг хүргүүлэх юм.
Шинэчилсэн тогтоолоор,
- Дархан цаазат газарт - Иргэн 5000, суудлын автомашин 15.000, Автобус суудлын тооноос хамаарч 50.000-120.000 төгрөг
- Байгалийн цогцолборт газарт – Иргэн 3000, суудлын автомашин 9000, Автобус 30.000-72.000 төгрөг
- Байгалийн нөөц газарт – Иргэн 2000, суудлын автомашин 6000, автобус 20.000-48.000 төгрөг
- Байгалийн дурсгалт газарт – Иргэн 1000, суудлын автомашин 3000, автобус 10.000-24.000 төгрөгийн хураамж төлж нэвтэрнэ.
