Улсын гуравдугаар төв эмнэлэгт ЭМЯ-НЫ санхүүжилтээр хүчилтөрөгчийн үйлдвэр баригдаж байна. Тодруулбал, 40 нано.мкуб-ын багтаамжтай хүчилтөрөгч үйлдвэрлэх болон баллон цэнэглэх хоёр хэсэгтэй, 7х10 хэмжээтэй хүчилтөрөгчийн үйлдвэр баригдах юм. Нью Терравокс ХХК-ийн гүйцэтгэж буй уг үйлдвэрийн барилгын ажил 11 сарын 24-ны өдрийн байдлаар 45% хувийн гүйцэтгэлтэй явагдаж байна.
Хүчилтөрөгчийн үйлдвэр ашиглалтад орсноор тус эмнэлгийн яаралтай тусламжийн тасаг, эрчимт эмчилгээ болон бусад тасгуудын нийт 220 гаруй хүчилтөрөгчийн төгсгөл бүхий эмчилгээний орнуудад хүчилтөрөгчийг хэрэгцээнд нь тохируулан, хүний оролцоогоогүйгээр ухаалаг ажиллагаагаар хийн хоолойгоор дамжуулах боломж бүрдэх юм.
Мөн энэхүү төслийн хүрээнд хүчилтөрөгчийн баллон цэнэглэх компрессор суурилагдаж байгаа бөгөөд уг компрессорийн тусламжтайгаар зөөврийн хүчилтөрөгчийн баллоныг өөрөө цэнэглэх тул хойшид энэ төрлийн бүтээгдэхүүн худалдан авах хэрэгцээг бууруулж, эдийн засгийн үр ашгийг нэмэгдүүлэх юм.