Засгийн газрын ээлжит хуралдаан 2021 оны 04 дүгээр сарын 07-ны өдөр боллоо.
Коронавирусийн халдварын тархалт эрчимтэй нэмэгдэж байгаатай холбогдуулан ЭМЯ-аас дөрөвдүгээр сарын 10-наас эхлэн 14 хоног хатуу хөл хорио тогтоох саналаа Засгийн газарт хүргүүлсэн.
Засгийн газрын хуралдаанаар ЭМЯ-наас гаргасан саналыг хэлэлцэх бөгөөд УОК-ын саналыг харгалзаж эцсийн шийдвэрийг гаргах аж.
Өнөөдрийн байдлаар Монгол улсын хэмжээнд коронавируст халдварын 12,226 тохиолдол батлагдаж, 17 хүн нас бараад байгаа юм. Одоогийн байдлаар 6912 хүн эдгэрч, 2583 хүн эмчилгээ хийлгэж байна. Улсын хэмжээнд 99 тусгаарлах байранд 3794 хүн байна.
04 дүгээр сарын 06-ны өдөр нийслэлд 36 мянга, орон нутагт 50 мянган иргэнийг вакцинжуулснаар улсын хэмжээнд нийт 466 мянга 946 хүнийг коронавирусийн эсрэг вакцинд хамруулжээ.