2024/06/23. Ням гараг Дугаар: #3048

ОНЦЛОХ

Өмнө нь товлолын дагуу вакцин хийлгэсэнг үл харгалзан бүх хүүхэд улаанбурханы вакцинд хамрагдах ёстой

— Ч.Баяржаргал   2023 оны 05 сарын 30

Хаврын “Дархлаажуулалтын 10 хоног”-ийг энэ жил “Улаанбурхан өвчнөөс хамтдаа сэргийлье” уриан дор явуулж эхэлсэн талаар өнөөдөр /2023-05-30/ Эрүүл мэндийн яамнаас мэдээлэл хийлээ.

Энэ удаагийн нэмэлт дархлаажуулалтын ээлжит 10 хоногийг “Улаанбурхан өвчнөөс хамтдаа сэргийлье” уриан дор 10 сартайгаас 8 насны хүүхдүүдийг улаанбурхан, улаануудын эсрэг вакцины нэмэлт дархлаажуулалтад хамруулахаар зохион байгуулж буй.

Эрүүл мэндийн дэд сайд С.Энхболд: Энэ оны эхний таван сард дэлхийн 124 улсад улаанбурхан өвчний 145 мянга гаруй тохиолдол бүртгэгдсэн. Эрсдэлийн үнэлгээ хийхэд манай улсад улаанбурхан өвчин зөөвөрлөгдөх эрсдэл маш өндөр гэж гарсан. Зөөвөрлөгдөн орж ирсэн тохиолдолд 10 сартайгаас найман настай хүүхдүүд халдвар авах эрсдэлтэй байгаа. Иймд тавдугаар сарын 29-нөөс эхэлсэн дархлаажуулалтад хүүхдүүдээ идэвхтэй хамруулахыг иргэдэд уриалж байна" гэлээ.

ДЭМБ-ын Монгол дахь Суурин төлөөлөгч хатагтай Др.Сокорро Эскаланте: Улаанбурхан, улаанууд өвчний зөөвөрлөгдөн орж ирэх эрсдэл өндөртэй байгаа тохиолдолд эрүүүл мэндийн тогтолцоог бэхжүүлэх, өвчний тандалтыг цаг алдалгүй сайн хийхэд нэн шаардлагатай лабораторийн хүчин чадлыг сайжруулахад анхаарч дэмжлэг үзүүлж ажиллана. Улаанбурхан өвчин нь нэгээс нөгөөд маш хурдан халддаг. Нэгэнт тархсан хойно нь эрүүл мэндийн тогтолцоог зохион байгуулах нь маш хэцүү. Тиймээс уг өвчин дэгдэхээс өмнө тогтолцоог бэхжүүлснээр илүү олон хүүхдийг аврах боломжтой" гэв. 

ХӨСҮТ-ийн Дархлаажуулалтын албаны дарга О.Дашпагам: Арван сартайгаас найман настай хүүхдүүдийг нэмэлт дархлаажуулалтад хамруулснаар улаанбурхан, улаанууд өвчнөөс урьдчилан сэргийлэх боломжтой. Учир нь улаанбурхан өвчин нь вирусээр үүсгэгддэг цочмог халдварт өвчин бөгөөд агаар дуслын замаар буюу халдвартай хүн ханиаж найтаах төдийд маш амархан халдварладаг бөгөөд ихэвчлэн бага насны хүүхэд өвдөж, өвдсөн тохиолдолд уушгины хатгалгаа, тархины үрэвслээр хүндрэх, улмаар эндэгдэлд хүргэх аюултай.  Өөрөөр хэлбэл, улаанбурхан өвчнөөр өвдсөн таван хүн тутмын нэг нь хүндрэх эрсдэлтэй.

Энэ удаагийн нэмэлт дархлаажуулалтад өмнө нь товлолын дагуу улаанбурхан, гахай хавдар, улаануудын вакцин хийлгэсэн, хийлгээгүйг үл харгалзан  заасан насны бүх хүүхэд хамрагдах ёстой. Харин сүүлийн нэг сарын дотор ямар нэгэн вакцин тариулсан бол түр хойшлуулна гэдгийг хэвлэлийн бага хурлын үеэр мэдээллээ.

Эцэг эхчүүд, асран хамгаалагчид 10 сартайгаас найм хүртэлх насны хүүхдээ 6 сарын 10-н хүртэл улаанбурханы вакциныг өөрийн харьяа өрх, дүүргийн эрүүл мэндийн төвд хийлгэх боломжтой.

 


Хуваалцах



Тод тусгал

“Шинэ Монгол” сургуулийг үүсгэн байгуулагч Ж.Галбадрах: Бусдад туслах сайхан сэтгэлээс аз жаргал үүддэгийг санаарай

”Эглийн эгэл их хүмүүн”. Гавьяа шагнал, гашуун нялуун үгсийн аль нь ч энэ хүнд эрхэм биш. Шинэ Монгол сургуулийг үүсгэн байгуулагч, Монгол Улсын Гавьяат багш Ж. Галбадрах захирлыг магтаж эсвэл танилцуулж ярилцлагыг нь эхлүүлбэл ерөөсөө утгагүй... Түүний 60 насны хөдөлмөр маш том ирээдүйг онилж, маш тод жим гаргах атлаа тун чимээгүй өрнөж буйг дуулгаж ярилцлагаа эхлүүлье.

— Б.Батцэцэг   2024 оны 04 сарын 18

Холбоотой

Буриад улсын эмч мэргэжилтнүүд УНТЭ-т суралцана

ОХУ-ын Буриад улсын Эрүүлийг хамгаалахын сайд Е.Лудупова энэ оны хоёрдугаар сард манай улсад айлчлал хийсэн бөгөөд энэ үеэр Улсын нэгдүгээр төв эмнэлэгтэй хамтран ажиллахаар тохиролцсон.Энэхүү тохиролцооны хүрээнд ОХУ-ын Буриад улсын эмч,... Дэлгэрэнгүй

— Ч.Баяржаргал   2024 оны 06 сарын 17

СОНГУУЛЬ 2024: Саналын хуудсыг нэг бүрчлэн гараар тоолно

Монгол Улсын Их хурлын ээлжилт сонгуулийн сурталчилгаа 2024 оны 06 дугаар сарын 10-ны өдөр эхэлсэн. Сурталчилгаа энэ сарын 26-ныг дуустал үргэлжлэх юм. Энэ удаагийн сонгууль олныг төлөөлөх болон хувь тэнцүүлэн сонгох  холимог... Дэлгэрэнгүй

— Ч.Баяржаргал   2024 оны 06 сарын 15

Санал болгох

Элэг, уушгины хорт хавдрын стереотактик туяа эмчилгээг амжилттай хийж, эх орондоо нэвтрүүллээ

ХСҮТ-ийнхөн тусламж үйлчилгээгээ өргөжүүлэн тэлж, дэлхийн өндөр хөгжилтэй улс орнуудад хэрэглэдэг шинэ дэвшилтэт техник, технологиудыг нэвтрүүлэх, нутагшуулахад ахиц гаргасаар байна.2024 оны 6-р сарын 19-нд ХСҮТ-д “Монгол улсад биеийн... Дэлгэрэнгүй

— Ч.Баяржаргал   өчигдөр

ЭМД-аар үйлчлэх хувийн эмнэлгүүдийн ЖАГСААЛТ

Эрүүл мэндийн даатгалын ерөнхий газартай гэрээ бүхий хувийн хэвшлийн эрүүл мэндийн байгууллагуудыг танилцуулж байна.  Иргэн та ЭМД-ын шимтгэлээ цаг тухайд нь төлж, даатгалын үр шимээ төрийн болон хувийн хэвшлийн гэрээт бүхий л эмнэлгээр... Дэлгэрэнгүй

— Ч.Баяржаргал   өчигдөр