Өнөөдрийн 16:00 цагийн байдлаар дархлаажуулалтын 64 цэгт 20,118 хүн вакцины эхний тунг тариулжээ. 18-аас дээш насныхныг вакцинжуулж эхлээд байгаа юм.
Монгол улс 2021 оны 02 сарын 23-аас коронавирусийн эсрэг вакцинжуулалт хийж эхэлсэн бөгөөд одоогийн байдлаар 336 мянга гаруй хүн вакцины эхний тунгаа хийлгэжээ.
Ерөнхий сайд Л.Оюун-Эрдэнэ өчигдөр вакцинжуулалтын явцтай таницах үеэр "Вакцины татан авалтыг идэвхтэй хийж, өдөрт дунджаар 12 мянган хүнд вакцин хийж буй тоог хэсэгчилсэн хөл хорионы өдрүүдэд 30 мянган хүргэн нэмэгдүүлж, Улаанбаатар хотын хүн амыг 5 дугаар сард багтаж дархлаажуулах зорилтоо биелүүлэх" талаар хэлсэн юм.