Монгол Улсын эдийн засаг, нийгмийн статистик үзүүлэлтийг 2021 оны эхний 9 сарын байдлаар танилцууллаа. 

Мөнгөний нийлүүлэлт энэ оны эхний 9 сарын эцэст 27 их наяд төгрөг болж, өмнөх оны мөн үеэс 4.6 их наяд төгрөгөөр өсчээ. Гүйлгээнд гаргасан бэлэн мөнгө 1.1 их наяд төгрөг болж, өмнөх оны мөн үеэс 11 хувиар өсжээ. Нийт хадгаламж 19 их наяд төгрөг ба 75 хувийг нь төгрөгийн хадгаламж эзэлж байна. 

Нийт зээлийн өрийн үлдэгдэл 20 их наяд төгрөг байна. Энэ нь өмнөх оны мөн үеэс 2.9 их наяд төгрөгөөр өссөн дүн юм.

Өргөн хэрэглээний барааны үнэ улсын хэмжээнд өмнөх оноос 9.6 хувиар өслөө. 2021 оны 10-р сарын 13-ны байдлаар Улаанбаатар хотын гол нэрийн барааны үнэ өмнөх сараас 2.4 хувь, өмнөх 7 хоногоос 1.5 хувиар өссөн байна.