Монгол Улсын нийгэм, эдийн засгийн 2023 оны эхний 8 сарын голлох үзүүлэлтүүдийг Хөдөө аж ахуй, байгаль орчин, үйлдвэрлэлийн статистикийн хэлтсийн дарга Э.Мягмарханд танилцуулж байна.

НДШ төлөлтийн тайланд 2023 оны хоёрдугаар улирлын байдлаар 757.2 мянган ажиллагчдын медиан цалингийн хэмжээ 1.4 сая төгрөг байгаа нь өмнөх улиралтай харьцуулбал 6.1 хувь буюу 82.3 мянган төгрөгөөр нэмэгдсэн байна.

НДШ төлсөн нийт ажиллагчдын цалинг нэг ажиллагчид ноогдох дундаж цалингаар авч үзвэл 1.9 сая төгрөг болсон. Энэ нь өмнөх оны мөн үеэс 22.4 хувь буюу 345.6 мянган төгрөгөөр, 1-р улиралтай харьцуулахад 59.2 мянган төгрөгөөр нэмэгдсэн үзүүлэлтэй. Дундаж цалинг хүйсээр нь авч үзвэл, 2023 оны 2-р улирлын байдлаар эрэгтэйчүүдийнх 2.1 сая, эмэгтэйчүүдийнх 1.7 сая төгрөг байна.

Дундаж цалинг салбараар нь авч үзвэл олон улсын байгууллага, суурин төлөөлөгчийн үйл ажиллагааны салбарт ажиллаж буй хүмүүсийн цалин хамгийн их буюу 5.5 сая төгрөг байна.