2024/02/25. Ням гараг Дугаар: #2929

СЭТГЭЛИЙН ДАРХЛАА

Ядрах, цочромтгой болох, толгой өвдөх, санаа зовох нь архаг ядаргаатай байгаан шинж

— Ч.Баяржаргал   2023 оны 08 сарын 09

Маш олон шалтгааны улмаас мэдрэл сульдал буюу архаг ядаргаа үүсдэг. Архаг ядаргааг эмчлэх тусгай эмийн эмчилгээ байдаггүй. Харин үүсгэгч хүчин зүйл, шалтгааныг харгалзан эмчилгээ хийдэг. 

Тухайлбал, сэтгэл зүйн гаралтай ядаргаа байвал стресс тайлах арга, амьдралын буруу хэвшлээс болж архаг ядаргаа үүссэн бол зөв дадлыг хэвшүүлэх сэтгэл заслын аргуудыг ашиглана. 

Мөн хамгийн чухал аргуудын нэг бол чанартай нойр авах, дасгал хөдөлгөөн зайлшгүй юм. Хэрэв бие махбодын эмгэгийн шалтгаантай үүссэн бол суурь эмгэгийг эмчлүүлэх шаардлагатай. Иймд стресс, архаг ядаргаа үүсгэгч дараах хүчин зүйлсийг танилцуулж байна.

Архаг ядаргаа үүсгэгч хүчин зүйлс:

- Сэтгэл хөдлөлийн хүчин зүйлс

  • Уурлах бухимдах
  • Айх, санаа зовох
  • Сэтгэл түгших
  • Сэтгэл гутрах

- Нойртой холбоотой хүчин зүйлс

  • Нойрон дундаа сэрэх
  • Өглөө эрт сэрэх
  • Хар дарж зүүдлэх
  • Нойргүйдэл гэх мэт нойрны хямралууд

- Амьдралын буруу хэвшилтэй холбоотой хүчин зүйлс

  • Хэт ачаалалттай ажиллах
  • Ажил амралтын дэглэмээ зохицуулахгүй байх
  • Тогтмол цагт унтахгүй байх
  • Буруу хооллолт
  • Архи, тамхины хэрэглээ
  • Дэлгэцийн хэрэглээ
  • Хөдөлгөөний хомсдол
  • Таргалалт
  • Бусад буруу хэвшлүүд

- Бие махбодтой холбоотой хүчин зүйлс

  • Цус багадалт
  • Гуурсан хоолойн үрэвсэл
  • Гуурсан хоолойн багтраа (астма)
  • Чихрийн шижин
  • Бамбай булчирхайн эмгэг
  • Үе мөчний эмгэгүүд
  • Халдварт өвчнүүд
  • Тархины судасны эмгэгүүд
  • Тархины гэмтэл
  • Ханиад томуу, амьсгалын замын үрэвсэл
  • Архи, мансууруулах бодисын хордлого
  • Архаг өвдөлт
  • Бусад бие махбодын эмгэгүүд

Та архаг ядаргаатай байгаа юм биш биз? Танд амархан ядарч, эрч хүчгүй болох, толгой өвдөх, биеийн энд тэнд таагүй мэдрэмж үүсэх, санаа зовох, ажлын бүтээмж буурах гэх мэт зовуурь илэрч байна уу?

Дараах 5 шинж тэмдгээс 3 ба түүнээс дээш шинжүүд танд илэрсэн бол архаг ядаргаа байх талтай.

Үүнд: 

  1. Ядрах эсвэл сульдах (бие махбод болон сэтгэцийн талаас)
  2. Бухимдах (шалтгаангүй сэтгэлээр унах, санаа зовох, сэтгэл түгших, уур хилэн)
  3. Цочромтгой байдал (дуу чимээ, халуун хүйтэнд хэт мэдрэг болох, анхаарал төвлөрөх чадвар буурах, таагүй сэрэл мэдрэмж)
  4. Мэдрэл булчингийн өвдөлт (толгой өвдөх, нуруу өвдөх, хүзүү чилэх, булчингаар өвдөх)
  5. Нойрны хямрал

Сэтгэл зүйн зөвлөгөө, мэдээллийг СЭМҮТ-ийн 1800-2000 лавлах утас руу холбогдож аваарай.

Хуваалцах



Тод тусгал

Холбоотой

Т.Хонгорзул: Сэтгэл хөдлөл, мэдрэмжээ илэрхийлэх тусмаа л сэтгэл зүйн байдал сайжирдаг

Гамшиг ослын үед болон дараа тухайн гамшигт өртсөн хүмүүс, түүнийг харж сонсож мэдэрсэн хүн бүхэн айдас түгшүүрт автах, балмагдаж сэтгэл зүйн хувьд олон таагүй, сөрөг нөлөөллийг мэдэрдэг. Дэлгэрэнгүй

— Ч.Баяржаргал   2024 оны 01 сарын 25

Гэнэтийн гамшиг осолд өртсөн, харсан, мэдэрсэн хүмүүсийн сэтгэл зүйд дараах нөлөөлөл бий болдог

Гамшиг ослын үед болон тухайн үйл явдлаас хойш хүмүүс тогтворгүй болж, хямрал ихсэж, энэ байдал нь цаашид ч удаан хугацаанд үргэлжлэх магадлалтай байдаг зайлшгүй анхаарах хэрэгтэй юм. Дэлгэрэнгүй

— Ч.Баяржаргал   2024 оны 01 сарын 24

Санал болгох

Сүүлийн 49 жил ажиглагдаагүй цас ихтэй жил болж байна

Энэ өвөл 2009-2010 оны зудтай өвлөөс илүү, 1975 оноос хойш ажиглагдаж байгаагүй цас ихтэй өвөл болж байна.2009 - 2010 оны зудтай жилийн өвлийн улиралд нийт нутгийн дунджаар 8.5 мм орсон нь ОЖД-аас 1.4 дахин их орсон бол энэ жилийн хувьд одоогийн... Дэлгэрэнгүй

— Ч.Баяржаргал   2024 оны 02 сарын 20

Хаврын эхний хоёр сард хэт их ус, цай уух, шингэн юм хэтрүүлж хэрэглэхийг хорьдог

Хаврын улиралд адууны махнаас татгалзахыг зөвлөж байна. Монгол орон нь хуурай, эрс тэс уур амьсгалтай учраас монгол малын мах бүлээн чанартай, шингэхэд хялбар байдаг. Махыг улиралдаа зохицуулан хэрэглэх нь эрүүл мэндэд тустай. Дэлгэрэнгүй

— Ч.Баяржаргал   2024 оны 02 сарын 20