Монголын төдийгүй дэлхийн хөдөлмөрийн зах зээл дээр сүүлийн үед анхаарал татсан сэдэв болж, энэ талаарх судалгаа ч хийгдээд буй үе судлал, тэр дундаа Z үеийнхэн, тэдний сэтгэл ханамжид нөлөөлөх хүчин зүйлсийн судалгааг Улаанбаатар эрдэм их сургуулийн Эдийн засаг, бизнесийн сургуулийн багш Б.Билгүүн хийжээ.

Тэрбээр Монгол Ардын намын Удирдах зөвлөлийн дэргэд ажиллаж буй бодлогын хороодоос зохион байгуулдаг “Policy meeting” цуврал хэлэлцүүлэгт оролцохдоо орчин үеийн сонирхолтой судалгааны бүтээлийнхээ онцлох хэсгүүдээс танилцуулав.

Эхлээд нийгмийн үе хоорондын ялгаатай байдлыг, дараа нь сэтгэл ханамжид нөлөөлсөн хүчин зүйл юу вэ гэдгийг хөдөлмөр эрхэлж буй Z үеийнхнээс асуумж авч судалгаагаа боловсруулсан байна.

Z үеийнхэн гэдэгт 1997-2012 онд төрсөн хүмүүс хамаарч байгаа бөгөөд манай Монголын нийт хөдөлмөрийн зах зээлийн 20 орчим хувийг эзэлж байна. Тэд шударга, үнэнч, өөрчлөгдөх чадвартай, нэг ажлын байрандаа удаан ажиллах сонирхолгүй, цагийн уян хатан байдлыг илүүд үздэг гэх зэрэг үндсэн шинжээрээ өсвөр үеэсээ ялгаатай байна.

Мөн төр, хувийн хэвшлийн ялгаатай орчин нөхцөлд Z үеийнхэн хэрхэн ханддаг вэ, ажлын ямар орчныг сонгож удаан ажилладаг эсвэл тогтворгүй өөрчлөгддөг вэ зэргийг судалгаанд дурджээ.